ლექსი

მოფრთხილება უნდა

ჯანსუღ ჩარკვიანი

საქართველოს ტყეს,
ხოხობსა და მწყერს,
საქართველოს ველს,
ირემსა და შველს-
ყოველდღე და მუდამ
მოფრთხილება უნდა.
სანამ კიდევ რიხით
დაბრძანდება ჯიხვი,
სანამ კიდევ დარჩა
დურაჯი და არჩვი,

სანამ ერთი-ორი,
დაგოგმანებს გნოლი,
სანამ მწვანე არის,
ჩვენი ხე და მოლი-
დედა საქართველოს,
ტყეს, მთასა და მდელოს,
ყოველდღე და მუდამ
მოფრთხილება უნდა.

ლექსის მიხედვით , რისი მოფრთხილება გვმართებს?

ავტორი ლექსში იმეორებს სიტყვას "სანამ". რა საშიშროებას უკავშირდება ეს სიტყვა?

ადამიანი ბუნებას ყოველთვის და ყველგან უნდა გაუფრთხილდეს. მაშ, რატომღაა ხაზგასმული საქართველოს ბუნება?

გადაარჩინე და მოუარე ტყეს!