Природните убавини на нашата земја

ОХРИДСКО ЕЗЕРО

Марија Силјановска
Ученик во ООУ ,,Кочо Рацин"- Охрид
VI-2 одд

Охридско Езеро е најголемо и најзначајно природно езеро во Македонија, најстаро во Европа и, од биолошки аспект, најзначајниот стагнантен воден екосистем на континентот. Се карактеризира со богата историја, културa, археолошки наоѓалишта и природна убавина, и го делат две држави: Македонија и Албанија.Благодарение на ваквите особености, во 1980 година Охридското Езеро и градот Охрид се прогласени за Светско културно наследство, под заштита на УНЕСКО.

Езерото покрива површина од 358,2 км2 и се протега во должина од 30,8 км, а најголемата широчина изнесува 14,8 км. Должината на брегот изнесува 87,5 км. Неговата длабочина достигнува до 289 м.

Во езерото живеат 17 видови на риби, од кои 10 се ендемски.Тие се:

Пастрмки
-Охридска пастрмка
-Охридска белвица

Бели риби
-Охридски грунец
-Моранец
-Мало рипче
-Охридски клен
-Мало грунче
-Охридска писа
-Охридски скобуст
-Дујак
-Мрена
-Плашица
-Мало плашиче
-Крап
-Вретенушка
-Охридска штипалка

Јагули
-Јагула

Езерото е сместено во длабока и затворена котлина, на исток ограничена со планината Галичица, а на запад со Јабланица.

Галичица е висока планина во Македонија на површина од 22.750 хектари, во 1958 година е прогласен за национален парк. Националниот парк Галичица којшто се наоѓа во крајниот југозападен дел од Република Македонија, се карактеристика по положбата што ја зазема меѓу двете езера - Охридското и Преспанското, потоа, по разгранетата орографија и интересните геоморфолошки облици (длабоки долови, разни видови на карстни форми и глацијални релјефни форми).

Преспанско Езеро е природно езеро кое го делат три држави: Македонија (најголем дел), Грција и Албанија. Во рамките на Македонија, тоа се наоѓа во југозападниот дел од земјата. Претставува важно водно живеалиште и затоа е прогласено за рамсарско место. Прогласено е за споменик на природата во 1977 година.

Големото Преспанско Езеро, зафаќа површина од 284 км2, со 54м најголема длабочина и надморска висина од 853м и спаѓа меѓу најчистите езера во светот. Од вкупната површината на езерото 65% припаѓа на Македонија, 18% на Албанија и 17% на Грција.