Traballu fatu cun sos pitzinnos de sa classe V A de s'iscola primaria de Bonolva

Tra istòria e paristòria.

Su Re posca de las àere ascurtadas detzidit, a coro malu, de nche catzare sa fiza ca como sos abitantes de sa bidda no la cheriant piusu ca creiant chi faghiat fatuzos.

Sa paristòria contat chi sa bidda de Rebeccu siat istada frastimada, calicunu aiat frastimadu sa bidda! Puru oe in medas si nd'ammentant chi fiat istada Donoria.

A curtzu a Bonolva b’at una bidda minoredda, fraigada subra de unu montiju de carchina postu a dae in antis de sa piana de Santa Lughia. Est sa bidda de Rebeccu, chi como est abbandonada.

Gai sos abitantes de Santu Simeone, nde fiant calados dae su Monte e in cussu logu aiant fraigadu sa cheja dedicada a sa Madonna de su chelchizu,

Ma posca sos abitantes aiant comintzadu a minimare, fiant sutzessas cosas chi aiant mudadu sa sorte sua.

Donoria fiat sa de tres fizas de Re Beccu, signore de sa bidda, una bella picioca ma perri cònchina.

Istaiat tempus meda a caddu peri sos buscos a sa sola, sa note drommiat subra de sas àrvures e passaiat tempus meda in sa funtana de su Lumarzu.

Una die, in tempos e temporios, sos chi si fiant sarvados aiant detzisu de chircare unu logu piusu sanu in ue fraigare una bidda noa. 

Sos Rebechesos pensende chi fiat una majarza la timiant. Unu manzanu chito chito unu grupu de fèminas fiat andadu a su casteddu de su Re pro li faeddare de cumportamentu curiosu de sa fiza.

Pop art yellow

Ma fintzamentas si Rebeccu in su tempus est istada fraigada a nou, sa sorte sua no est mudada; sa zente a bellu a bellu si nch’est andada in àteras biddas prus mannas.

Sos betzos contant chi fiant animales feos cun sa conca manna, duos ojos rujos chi lis nde brincaiant a fora e unu puntorzu mannu e alas fortes;

dende orìgine a sa bidda chi aiant giamadu Bonerva, chi cheret nàrrere terras bonas, in logu de su nòmene antigu de cussu logu, Malerva.

In sa bidda antiga de Santu Simeone a curtzu a Campeda, sa musca maghedda aiat ochidu guasi totu sos abitantes.

Ma in s’antighidade, cando in Sardigna guvernaiant sos Zuighes, custa bidda fiat manna e rica, sa prus importante de custu zassu, teniat 400 abitantes.

Non fiat che sas àteras, sas sorres suas&nbsp; si fiant cojuadas ma issa no nde cheriat s’intesa, si cheriat lìbera.

In Rebeccu totus faeddaiant de comente si cumportaiat e sas fèminas de sa bidda, limbilongas e malintragnadas, contaiant chi andaiat semper a sas pèlcias in ue istaiant sas Janas pro imparare s’arte de sas majarzas.

Donoria non s’est prus bida e pro sos abitantes suos sunt comintzadas sas disgràscias: est bènnida sa malaria e sa bidda s’est isboidada, sas fèminas non resessiant a restare ràidas e abitantes medas moriant pro sas maladias, sas domos si sunt isboidadas e comintzaiant a nde rùere.

In mesu a sas naes de unu chercu, ma carchi antzianu de Bonolva est prontu a giurare chi esseret un’àrvure de figu, aiant bidu unu cuadru cun sa figura de sa Madonna. 

aiant bidu su montiju de Càcau chi, a bellu a bellu, s’istèrriat in sa piana manna de S. Lughia e aiant detzisu de intrare in su buscu, cando pustis de àere fatu unu tretu minore si fiant frimmados ispantados.

Luego aiant cumpresu chi fiat sa volontade de Deus e chi cussu fiat su zassu giustu pro fraigare sa bidda noa.

Andende, andende fiant lòmpidos finas a sa punta de Su monte, in unu zassu giamadu Malerva ca fiat pienu de matas e àrvures e non si bi podiat intrare:

cando bolaiant fiant una truma e su tzocu chi faghiant s’intendiat dae tesu. Perigulosas meda ca sa puntura issoro batiat sa frebba e zente meda moriat.

Donoria, custrinta dae su babbu a lassare sa bidda e leada in giru dae sas fèminas,&nbsp; est partida a caddu de s’àinu ma in antis de lassare pro semper Rebeccu s’est girada e at frastimadu sa bidda pro tres bortas narende: ”Rebeccu Rebecchei, dae trinta domos non movei”.

Oe su silèntziu&nbsp; regnat soberanu b’at carchi domo, una cheja e unu campusantu. Custu est su chi restat de cussa bidda manna e bella chi como no est prus. Carchi istranzu passizat peri sas carrelas mudas, cun sa timòria o s’ispera de intèndere sa boghe de Donoria.

Custu traballu est istadu realizadu dae sos alunnos de sa classe VA de s'Iscola Primària de Bonolva. Sos alunnos: Cristian Cocco, Nicolò Cocco, Davide Daga, Giuseppe Fadda, Luca Faedda, Angelica Lostia, Riccardo Marras, Elena Marruncheddu, Federico Melas, Elia Murru, Riccardo Nieddu, Cheo Onida, Mario Onida, Alice Pinna, Adriano Pintore, Mathias Pintore, Sebastian Pintore, Francesco Pischedda, Giaele Pittalis, Leonardo Porcheddu, Giulia Sanna, Sanna Stefano, Manuel Spano, Simone Uras, Gertjan Tanushi. Sa mastra Maria Pina Muroni S'operadora de s'Isportellu linguìsticu Lucia Sechi Atividade culturale finantziada dae sa L.R. 22/2018 art. 10. Sas paristòrias de sa costumàntzia de Bonolva sunt istadas leadas dae una chirca fata dae Don Tore Marruncheddu chi aiat intervistadu antzianos de sa bidda. Sos pitzinnos cun custu traballu l'ant dadu boghe e màgine cunforma a s'idea issoro.

Solu una parte de Rebecchesos coragiosos fiat resessida a fraigare torra sa bidda. Ma finida sa de trinta domos, nisciunu s’est atrividu a fraigare sa de trintunu. Ammentende su frastimu de Donoria timiant chi sa bidda podiat èssere destruida.

Name

Safari may block some audio or video from playing automatically and ‘read to me’ will skip these. You can configure this in Safari’s preferences.