Coleg Gwent Governor Guide (CYM)

Croeso i Coleg Gwent

Diolch am eich diddordeb mewn bod yn Llywodraethwr yn Coleg Gwent.

Coleg Gwent yw un o'r colegau mwyaf a'r gorau yng Nghymru, yn darparu ystod eang o gyrsiau academaidd a galwedigaethol i tua 18,000 o fyfyrwyr ar draws De Ddwyrain Cymru bob blwyddyn.

Y Corff Llywodraethu yw Corfforaeth Addysg Bellach Coleg Gwent (Y Bwrdd). Mae'n darparu goruchwyliaeth strategol ac yn gweithredu fel 'cyfaill beirniadol' i dîm rheoli'r coleg.

"Braint yw bod yn Gadeirydd y Llywodraethwyr a helpu i arwain sefydliad sy'n newid bywydau er gwell. Fel Bwrdd rydym yn hynod falch o'r Coleg, ei staff a'r myfyrwyr yn enwedig.

Hoffem i bawb yn Coleg Gwent deimlo eu bod yn perthyn iddo ac fel Bwrdd rydym yn awyddus i adlewyrchu'r cymunedau amrywiol yr ydym yn eu gwasanaethu. Mae bod yn Llywodraethwr yn ffordd werth chweil o 'roi rhywbeth yn ôl' a chefnogi'ch cymuned - mae'n rôl yr wyf yn ei hargymell yn fawr".

Mark Langshaw MBE
Cadeirydd y Llywodraethwyr

Darparu rhagoriaeth

Mae tair cyfadran academaidd yn gweithredu ar draws pum campws unigryw:

Parth Dysgu Blaenau Gwent

Crosskeys

Dinas Casnewydd

Parth Dysgu Torfaen

Brynbuga

Cliciwch ar y delweddau i gael gwybod mwy am bob campws

Mae gennym rywbeth i’w gynnig i bawb

Mae mwyafrif ein dysgwyr llawn-amser wedi gadael ysgol ôl-16 ac yn astudio Safon Uwch neu bynciau galwedigaethol (neu'r ddau) ond mae nifer sylweddol ohonynt yn ddysgwyr sy'n oedolion sydd eisiau ailhyfforddi

Mae dysgu rhan-amser yn cynnig hyblygrwydd a'r cyfle i astudio ar gampws neu yn un o'r lleoliadau cymunedol rydym yn eu gweithredu mewn partneriaeth â phum Awdurdod Lleol. Mae darpariaeth ran-amser eraill yn cynnwys Cymraeg i Oedolion.

Mae ein Tîm Ymgysylltu â Chyflogwyr yn gweithio'n agos gyda Chyfarwyddwyr Cyfadran i ddiwallu anghenion hyfforddi cyflogwyr ar draws y rhanbarth. Gall cyrsiau fod yn hyfforddiant undydd neu'n ddatblygiad staff parhaus fel cymwysterau ILM a gellir eu teilwra ar gyfer anghenion busnesau unigol.

Fel partner yn y consortiwm b-WBL rydym yn darparu Prentisiaethau yn y sectorau Adeiladu, Peirianneg, Cerbydau Modur a Gofal Iechyd.

Cliciwch ar y delweddau i weld pa mor amrywiol yw ein cyrsiau

Mewn partneriaith a prifysgol a Pearson rydym yn cynnis ystod gynyddol o gyrsiau Addysg Uwch

Ein huwch dîm arwain

Yng Ngholeg Gwent rydym wedi ymrwymo i ragoriaeth mewn arweinyddiaeth a llywodraethu.

Arweinir y coleg gan y Pennaeth/Prif Weithredwr, gyda chefnogaeth dau Is-bennaeth a thîm o ddeg uwch arweinydd ar draws meysydd academaidd a swyddogaethol. Maent yn gweithio'n agos gyda'r Bwrdd Llywodraethwyr mewn perthynas gynhyrchiol sy'n datblygu ac yn cefnogi ein nodau strategol.

"Rwy'n gwerthfawrogi cyfraniad aelodau'r Bwrdd at y coleg yn fawr. Fel uwch dîm arwain, rydym yn elwa o'u harbenigedd, eu profiadau a'u dealltwriaethau gwahanol.

Mae lefel yr her a ddarperir yng nghyfarfodydd y Bwrdd a'r pwyllgorau yn sicrhau nad ydym byth yn hunanfodlon, ein bod yn parhau i ganolbwyntio ar wella ansawdd yn barhaus a'n bod wedi ystyried pob posibilrwydd".

Guy Lacey, Pennaeth/Prif Weithredwr

Ein Llywodraethwyr

Mae'r Bwrdd yn cynnwys gwirfoddolwyr di-dâl yn bennaf yn ogystal â staff, myfyrwyr ac aelodau annibynnol.

Daw'r aelodau annibynnol o ystod o gefndiroedd gwahanol ac mae ganddynt brofiadau amrywiol. Yn ogystal ag adlewyrchu safbwynt ein rhanddeiliaid gwahanol, mae Llywodraethwyr yn darparu'r Bwrdd â'r sgiliau sydd eu hangen arno i oruchwylio gweithrediad sefydliad mawr a chymhleth.

Anogir llywodraethwyr i ymddiddori ym mywyd ehangach y coleg ac maent yn aml mynychu perfformiadau, arddangosfeydd a chystadlaethau i gefnogi ein staff a'n dysgwyr.

Cliciwch i gael gwybod mwy am y Llywodraethwyr presennol

Mae cyfrifoldebau'r Bwrdd

O dan arweiniad y Cadeirydd mae'r Bwrdd yn gyfrifol am:

* Bennu cymeriad a chenhadaeth addysgol y coleg

* Goruchwylio gweithgareddau coleg

* Cymeradwyo'r Cynllun Strategol

* Cymeradwyo cyllideb flynyddol

* Sicrhau bod adnoddau'n cael eu defnyddio'n effeithlon ac yn effeithiol

* Sicrhau bod arian cyhoeddus yn cael ei ddefnyddio'n briodol

* Sicrhau cynaliadwyedd ariannol y coleg

* Cyflogaeth ac amodau gwasanaeth uwch ddeiliaid swyddi

* Gosod fframwaith ar gyfer cyflog ac amodau gwasanaeth yr holl staff eraill

* Adolygu trefniadau ar gyfer gwaith academaidd y coleg.

Pwyllgorau'r Bwrdd

Mae'r Bwrdd yn cyfarfod hyd at 5 gwaith y flwyddyn a chefnogir ei waith gan nifer o is-bwyllgorau ac mae'r rheiny i gyd yn cyfarfod pedair gwaith y flwyddyn. Disgwylir i lywodraethwyr wasanaethu ar o leiaf un pwyllgor.

·      Pwyllgor Archwilio
·        Pwyllgor Cwricwlwm ac Ansawdd
·        Pwyllgor Cyllid ac Adnoddau
·        Pwyllgor Llywodraethu ac Aelodaeth
·        Pwyllgor Cydnabyddiaeth Ariannol

Bydd disgwyl i chi fynychu oddeulu 10 cyfarfod y flwyddyn (cynhelir y rhan fwyaf ohonynt a ddyddia Mawrth ar ol 5.00pm)

Bydd angen amser darllen a pharatoi ychwanegol hefyd.

Er einbod wedi dysgu ffyrdd newydd o weithio yn ystod y pandemig, rydym yn bwriadu dychwelyd at gynnal cyfarfodydd wyned yn fuan.

Beth sydd dan sylw?

Disgwyliadau sylfaenol y rôl yw:

* Parhau i fynychu cyfarfodydd y Bwrdd a chyfarfodydd pwyllgor
* Paratoi ar gyfer cyfarfodydd a chyfrannu atynt
* Cymhwyso eich sgiliau a'ch arbenigedd er budd y coleg
* Parchu cyfrinachedd busnes y Bwrdd
* Gweithredu er budd gorau'r coleg
* Cefnogi penderfyniadau ar sail 'cyd-gyfrifoldeb'
* Osgoi sefyllfaoedd sy'n creu gwrthdaro buddiannau
* Cymryd rhan mewn cyfleoedd datblygu
* Cymryd diddordeb ym mywyd ehangach y coleg
* Lle bo'n bosibl, mynychwch ddigwyddiadau coleg

Sut fyddwch chi'n elwa?

'Mae wedi bod yn brofiad gwych, ac rwy'n falch fy mod yn gallu defnyddio fy sgiliau proffesiynol er budd fy nghymuned'.

'Roedd bod yn Llywodraethwr yn brofiad gwych; yn gwybod eich bod yn rhan o rywbeth sy'n gwneud gwahaniaeth i bobl ifanc. Mae cael profiad o wneud penderfyniadau hollbwysig ar lefel Bwrdd wedi fy helpu i ddatblygu sgiliau allweddol yr wyf wedi'u trosglwyddo i'm prif rôl mewn busnes'

'Rwy'n teimlo'n falch o fod yn rhan o goleg mor llwyddiannus a dynamig'.

'Mae'n gryn dipyn o ymrwymiad, ond mae'n werth chweil chwarae fy rhan yn llwyddiant y coleg'.