Hvar er best að byrja?

Markmið okkar með þessum leiðbeiningum er að aðstoða þig við að tileinka þér tæknilegar kennsluaðferðir á einfaldan máta. Forritin sem við völdum í handbókina eru þægileg, nothæf í fjölbreytt verkefni og vinsæl meðal nemenda. Handbókin er byggð upp með það í huga að þú getir byrjað frá grunni í notkun tækni í kennslu áður en þú tekur næsta skref í flóknari útfærslum. Til er ógrynni af leiðbeiningum sem þessum á netinu en okkur fannst vanta vettvang þar sem hægt er að sækja einfaldar hugmyndir á íslensku í einn hugmynda- og leiðbeiningabanka. Handbókin samanstendur af umfjöllun um fá en vel valin forrit og er ástæðan sú að við teljum það geti létt undir með þér, því oft er erfitt að vita hvar best er að byrja og hvað sé við hæfi. Þetta er því byrjunarreitur fyrir þig til að auka tækni í kennslu þinni smám saman.

Það er okkar trú að allir kennarar geti lært að nota tækni í kennslu þannig að hún auki áhuga, sköpun og þekkingu nemenda á fjölbreyttan hátt. Upplifun okkar á vettvangi bendir til þess að margir kennarar séu smeykir við að auka tækninotkun í kennslu því margt sé í boði og getur verið erfitt að ákveða hvar best sé að byrja. Við viljum með þessari handbók veita kennurum verkfæri sem gefur þeim tækifæri til að byrja á byrjunarreit og hjálpar þeim þannig að auka þekkingu sína, færni og öryggi um leið.

Inngangur Flipgrid er forrit þar sem nemendur skila inn stuttum myndböndum á svipuðu formi og þau eru vön á öðrum miðlum, t.a.m. Snapchat, með tilheyrandi tímaramma á upptökunni. Kennari setur fyrir verkefni sem getur t.d. verið að segja frá bók sem þau eru að lesa eða svara spurningum sem settar eru fyrir. Hægt er búa til hóp sem allur bekkurinn hefur aðgang að og búið til sameiginlegt verkefni. Þetta er til dæmis notað í hugmyndavinnu og samræðum.

Af hverju Flipgrid? Grunnskólanemendur í dag eru af þeirri kynslóð sem ólst upp með snjalltæki í höndunum. Samfélagsmiðlar eru vinsælir meðal þeirra og má segja að forrit eins og Flipgrid sé innan þeirra þægindaramma. Unglingar, og mögulega börn á miðstigi, þekkja þetta umhverfi og hafa áhuga á því. Því getur virkað hvetjandi fyrir þau að vinna með það sem þau nota í frítíma sínum.

● Nettengd borð-, spjald- eða fartölva ● Spjaldtölva eða snjallsími með myndavél

Hvernig virkar Flipgrid?

Til kennara . . . . . . . . . . . . . . . . . . . . Inngangur . . . . . . . . . . . . . . . . . . . . Book Creator . . . . . . . . . . . . . . . . . . Flipgrid . . . . . . . . . . . . . . . . . . . . . . . Gimkit Live . . . . . . . . . . . . . . . . . . . . Hlaðvarp . . . . . . . . . . . . . . . . . . . . . . Kveðja . . . . . . . . . . . . . . . . . . . . . . . .

1. Velja viðfangsefni Í þessu skrefi ákveða nemendur viðfangsefni hlaðvarpsins. Hafðu í huga að ef valið er frjálst er gott að vera með hugmyndir sem þau geta unnið út frá. Það gæti t.d. reynst erfitt ef nemendur ætla sér að taka viðtöl sem krefjast þess að fara langt út fyrir skólann eða ætla sér of stórt viðfangsefni sem krefst mun meiri tíma en sá tími sem verkefnið stendur yfir.&nbsp; Hugmyndir að viðfangsefni eru t.d. að: Taka viðtal við persónu úr bók sem þau eru að lesa. Taka upp samræður milli tveggja persóna í bók. Gagnrýna bók og ræða um hana. Endursegja söguna.

3. Velja hljóð / tónlist Þetta skref er ekki nauðsynlegt en gefur þó hlaðvarpinu skemmtilegri og fagmannlegri stíl. Hljóðin sem þarf að velja eru t.d. upphafsstef og lokatónlist.&nbsp; Markmið með hljóðum er að tengja efnið við tilfinningar hlustanda og ímyndunarafl. Til dæmis þegar hlustað er á draugasögu er sniðugt að hafa drungaleg hljóð, ef verið er að tala um hunda er hægt að hafa hljóð með geltandi hundum í bakgrunninum.&nbsp; Þetta skref gæti verið gott ef nemendur hafa unnið með hljóðvinnslu áður. Ef verkefnið á ekki að taka mikinn tíma er í lagi að sleppa þessum lið og geyma þangað til í næsta hlaðvarpi þegar nemendur eru orðnir reyndari.

2. Búa til handrit Nemendur búa nú til handrit út frá því viðfangsefni sem þau völdu. Hér þarf að fara í rannsóknarvinnu og leita heimilda ef þess þarf.&nbsp; Gott er að byrja á því að skrifa niður allt sem þarf að koma fram. Ef taka á viðtal þarf að skrifa niður spurningar, ef fjalla á um efnið út frá heimildum þarf að skrá niður um hvað efnið snýst og hvaða spurningum hlaðvarpið á að svara. Skrifa þarf handritið með tímamarkmið í huga. Kennari ákveður hvað hlaðvarpið á að vera langt en ekki er mælt með því að það sé lengra en 10 mínútur.&nbsp;

● Nettengd borð-, spjald- eða fartölva ● Hljóðnemi ● Heyrnartól ● Hljóðeinangrað herbergi eða í öllu falli hljóðlátt herbergi

Hugmyndir og leiðbeiningar að forritum til að nota í kennslu

Fjóla Sigurðardóttir og Ragnheiður Daníelsdóttir

Inngangur Hlaðvarpsverkefni samanstanda af nokkrum þáttum og ýmis forrit standa til boða. Þannig eru þau aðeins viðameiri en stök forrit sem áður voru nefnd í þessari handbók. Hlaðvörp (e. podcasts) hafa svipaða uppbyggingu og útvarpsþættir en eru ekki sendir út í beinni útsendingu, heldur eru þeir gefnir út á netinu. Þau má finna á miðlum, s.s. iTunes og öðrum hlaðvarpsforritum. Af hverju? Sköpun er einn af grunnþáttum menntunar og í Aðalnámskrá segir að nemandi skuli geta og hafa tækifæri til að örva forvitni sína og áhuga, virkja ímyndunaraflið og leika sér með möguleika. Forvitni nemenda er mikilvægur hluti sköpunar og að geta nýtt forvitnina til að leita og búa til efni.&nbsp;

Ef þú ætlar að bjóða nemendum að búa til hlaðvarp er gott að byrja að spyrja nemendur hversu margir vita hvað hlaðvarp er og hverjir hlusta reglulega á þau. Einnig er gott að vita hvort einhverjir nemendur hafa búið til hlaðvarp áður. Þetta gefur þér hugmynd um hversu stór hluti hópsins mun þurfa á mikilli hjálp að halda og í hversu miklum smáatriðum þú þarft að útskýra verkefnið. Gott er að vera búin að finna nokkur mismunandi hlaðvörp til að leyfa þeim að heyra. Næsta skref er að ákveða hópa en ekki er gott að fleiri en 2-3 tali inná hvert hlaðvarp í einu.&nbsp;

➊ Velja viðfangsefni ➋ Búa til handrit ➌ Velja hljóð / tónlist ➍ Upptaka ➎ Setja upptökuna saman ➏ Hlaða upp þætti

Inngangur Með Book Creator er hægt að búa til rafrænar bækur með fjölbreyttum möguleikum. Hægt er að gera þær gagnvirkar og tengja orð og myndir við tengla á netinu. Hægt er að bæta við eigin myndböndum eða sækja þau af t.d. YouTube. Setja má inn tónlist eða taka upp eigin rödd og lesa þannig bókina upphátt ásamt því að teikna á blaðsíðurnar. Hægt er að hlaða niður bókinni á PDF-skjali en einnig er hægt að fá tengil svo að aðrir geta opnað hana á netinu.

● Nettengd borð-, spjald- eða fartölva ● Keyptan aðgang ef þörf er á fleiri en 40 bókum

Af hverju Book Creator? Sköpun nemenda þarf að viðhalda og tjáningu þarf að rækta. Með þessu forriti er nemendum veittur vettvangur til að tjá skilning þeirra á því viðfangsefni sem tekið er fyrir. Með þeim fjölbreyttu möguleikum sem í boði eru, geta nemendur leyft ímyndunaraflinu að leika lausum hala hvort sem þau gera það einsömul eða í hópum.

Hvernig virkar BookCreator?

Við vonum að handbókin hafi hjálpað þér við að auðga kennslu þína og að hún hafi komið þér að góðum notum. Við vonum að hún hafi aukið áhuga þinn á að kynna þér fleiri forrit sem eru í boði og að þú treystir þér frekar í að taka næstu skref.

Hvar er best að byrja?&nbsp;&nbsp; Handbók þessi er hluti af 10 eininga lokaverkefni til B.Ed.-prófs í grunnskólakennslu á sviði upplýsingatækni og íslensku við deild faggreinakennslu, Menntavísindasviði&nbsp;Háskóla Íslands © Fjóla Sigurðardóttir og Ragnheiður Daníelsdóttir 2021 Óheimilt að afrita handbókina á nokkurn hátt nema með leyfi höfundar.

4. Upptaka Þegar hlutverk hafa verið ákveðin og handritið tilbúið þarf að taka upp þáttinn. Til þess þarf hljóðnema, heyrnartól, hljóðforrit og tölvu eða spjaldtölvu. Huga þarf að umhverfi þegar tekið er upp og best er að vera í hljóðeinangruðu herbergi. Einnig er gott að vera með heyrnatól sem er með innbyggðum hljóðnema eða heyrnartól og hljóðnema sem hægt er að tengja við tölvuna.&nbsp; 5. Setja saman upptökuna Næsta skref er að setja saman upptökuna. Það þarf alltaf að laga til hik og mistök í upptökunni en hægt er að gera það með fjölda forrita. Gott er að nota forritið Anchor.fm en þar er hægt að taka upp, laga til og geyma þáttinn fyrir aðra að hlusta. Hægt er að nota forritið hvort sem er í spjaldtölvu eða í fartölvu. Sjá meira á <a href="http://anchor.fm">www.anchor.fm</a>

6. Hlaða upp þætti Lokastigið er að hlaða upp þættinum svo aðrir geti hlustað. Hægt er að kaupa aðgang að streymisveitum eins og iTunes eða Spotify en það er óþarfi fyrir skólaverkefni. Með Anchor.fm er hægt að gera allt inni í einu forriti og hægt að leyfa öðrum að hlusta með því að senda þeim hlekkinn sem gefinn er upp á þinni Anchor síðu.

Hvernig virkar Anchor.fm?

Inngangur Gimkit Live er tölvuleikur með kennslufræðilegum tilgangi. Kennari býr til spurningar sem birtast nemendum ásamt valmöguleikum. Nemendur taka þátt í snjalltækjum og geta tekið sér sinn tíma til að svara spurningunum. Fyrir hvert rétt svar vinna þeir sér inn leikjapeninga sem hægt er að nota til að kaupa ýmsan skemmtilegan aukabúnað. Hins vegar ef spurningu er svarað vitlaust þá tapast peningar. Forritið er ekki aðeins hægt að nota í skólastofunni heldur er einnig hægt að búa til heimaverkefni og fær kennari sendar niðurstöðurnar með útreiknuðum einkunnum. Nemendur geta einnig tekið þátt í spurningagerð og fær kennarinn þær sendar. Ef hann samþykkir þær safnast þær í spurningabanka og bekkurinn getur hafið keppni. Af hverju Gimkit Live? Nemendur hafa gaman af fjölbreyttum kennsluaðferðum og því sem brýtur upp hefðbundna kennslu. Gimkit Live veitir þeim tækifæri til að skemmta sér að læra með óhefðbundnum leiðum.

● Nettengd borð-, spjald- eða fartölva ● Áskrift sem kostar um 5$ á mánuði fyrir hvern kennara. Hægt er að kaupa skólaaðgang.

Hvernig virkar Gimkit Live?

Name

Safari may block some audio or video from playing automatically and ‘read to me’ will skip these. You can configure this in Safari’s preferences.