Pairolet e la calandreta

Au vilatge de Pairolet, en Laponia, augan, los ors que veden que Nadau ne s’aprèsta pas com de costuma…
Los ors que veden hèra d'insèctes a voletejar au ras deu talhèr de fabricacion...

Estonats, los ors qu'espian per las frinèstas e que veden que los hadets hèn maishants presents : paquets dab bestiòtas, sèrps, bocaus dab piranhas, devers de har, carbon, aranhas, joguets emposoats, tigres dens los mei grans paquets, cartons vueits o paquets dab plen de boitas las uas dens las autas, joguets ipnotisaires...

Los ors que cèrcan de compréner çò qui’s passa, per'mor Pairolet que sembla diferent de las autas annadas. Qu’entran a l’esconut dens l’ostau e que veden causas chepicantas : trocicòts de veire, plaps per tèrra qui analizan, còrda, peadas tròp granas per estar las de Pairolet, ua flinga, ua fiòla marcada :

TÀ VÀDER MAISHANT

Que i a hèra de rambalh !

Après aver analizat la flinga, las peadas e los plaps que descobreishen qu’ei ua pocion magica e qu'ei deu babau flingaire, l’enemic de Pairolet, lo qui ne vòu pas lo bonur deus mainatges a Nadau !

Lo babau flingaire qu’a estacat Pairolet tà’u har béver ua pocion magica e qu’ei adara com eth. Qu’a balhat maishants ordis aus hadets qui ne hèn pas mei los presents esperats.

Que cau agir viste, Nadau que s’apressa e ne pòden pas sauvar Nadau solets !

Après aver parlat amassa, que decideishen d’enviar un ors qui va anar cuélher hèra de monde, qu’an besonh d’ajuda.

Après aver trobat ua mòto, deishada per un lapon, l’ors que l’ensaja, e en accelerar tròp hòrt que perdeish lo conta-ròtle e qu’entra dens ua cueva escura. Tot d’un còp ! Ua lutz qu’apareish e que passa un portau magic.

Pendent aqueste temps un diccionari de la bibliotèca que cad per tèrra a la calandreta de Lescar, e sobte ! !
Un ors en mòto qu’entra dens la classa !

« - On soi ? ce demanda l’ors.
- Qu’ès a la Calandreta de Lescar ! ce responen los mainatges.
- Ajudatz-me ! Pairolet qu'ei vadut maishant !
- Non ! Ne't credem pas !
L'ors qu'ensenha totas las pròvas e los calandrons que’s renden compte qu’a rason.
- On ei Pairolet ? Ditz-nos on cau anar e que’t vam ajudar ! »

Tota la classa que pren lo passatge secret darrèr l'ors e qu'arriban, per magia directament dens la cueva.
Mes, que’s son cambiats dab vestits de super eròis dab cauhatge integrat.

Acerà qu’encontran los autes ors. Que decideishen d’un plan d’accion : purmèr, panar los maishants presents e tot destrusir, après que’s calerà aucupar de Pairolet e que’s va caler amanejar tà tot adobar.

Alavetz, Joan-Pau que puja suu tèit deu talhèr :

E d'un còp de pè, Guilhèm e Sarah que destruseishen los presents.

Sarah e Guihèm que fòrman ua super equipa !

Loís dab los crampons que shoota dens los presents enviats.

Cauçats dab los crampons, los fotbolaires que destruishen los presents.

Joan-Pau : Tè Alexandra, gaha aqueste present !
Alexandra : Que l'èi ! Teò, a tu !
Teò : Qu'ei bon ! Benoit, que i pòdes anar !
Benoit : Que vau tots los esglaishar dab la mea bicicleta ! ! !
Guilhèm : Alexandra lança-me presents tanben, que'us vau destrusir dab lo men ti !

Guilhèm : A tu Sarah !
Sarah : Enviat dens los vint e dus mètres !

« Maèla : Joan-Pau e i a enqüèra presents suu tèit ?
Joan-Pau : Òc que’n demora !
Maèla : Envia-los ! »

Loís : Tè Teò ! Gaha aquestes presents tanben !

Tots amassa : Beròi tribalh d'equipa !