Þróun

Þáttaka barna í leikskólastarfinu í leikskólanum Sunnufold

Til þess að auka þátttökubarna í samveru var ákveðið að búa til samverukassa þar sem að bæði starfsfólk og börn hafa komið með hugmyndir af verkefnum til þess að skoða saman í samveru og hefur áhugi barnana spilað stórt hlutverk í þeim verkefnum sem eru í honum. 

Oft hefur verið talað um að kennarar misskilji hvað hugtakið þátttaka barna er og setja það í sama flokk og einstaklingsfrelsi og sjálfsákvörðunarréttur. Það er oft túlkað á þá leið að þátttaka barna er þannig að þau fái að velja það sem verið er að gera en það snýst bara alls ekki um það. Heldur að leyfa börnunum að vera þátttakandi í sínu líf og fái að taka þátt í því. Það er frekar verið tala um að gefa barninu þá virðingu sem það á skilið eins og tjáningarfrelsi ásamt því að vera þátttakandi í sínu eigin leikskólalífi (Aðalheiður Steinunn Sigurðardóttir,2018).

Á annari deild einbeittum við okkar að leyfa börnunum að vera meiri þátttakendur í matmálstímum. Í byrjun var það elsti hópurinn sem við einbeittum okkur að. Við byrjuðum á kaffitímum.

Starfsfólkið á deildinni talar um það í samtölum og viðtölum að þau höfðu ekki mikla trú á samverukassanum í fyrstu en eftir að hafa prófað að nota hann þá hafi hann glætt líf í samverustundirnar. Starfsfólkið er öruggara, sjálfstæðara og hefur gaman af samverustundum og reyna ekki að komast undan því að vera með samverustund eins og oft vill vera. Börnin eru mjög áhugasöm um samverukassann og hafa beðið um hann þegar þau eru í frjálsum leik til að skoða og vera með samverustund sjálf.

Heimildir: Aðalheiður Steinunn Sigurðardóttir.(2018). Samræður í stað spurninga : samskipti kennara og barna í samverustundum. http://hdl.handle.net/1946/31673 Nanna Marteinsdóttir. (2015). Samverustundir í leikskóla: lestur, sögur og samræður (óútgefin meistararitgerð).http://hdl.handle.net/1946/21917

Sem garðverðir fara börnin með kennara og fá að skoða um í garðinum. Þau hjálpa kennaranum að raka sandinn, taka upp rusl og setja út dót fyrir útiveru.

Börnin fá ákveðin verkefni sem þau eiga að leysa með kennaranum út í garði. Það eru ákveðnir staðir í garðinum sem gott er að hafa augun á til að leita að rusli og drasli.

Til þess að skoða það hvernig samverustundir gagna hjá okkur notuðumst við það að taka myndbönd og vá hvað það hjálpar mikið að hafa tekið myndbönd af þeim stundum sem við erum búin að vera með í samveru, þá er hægt að skoða hvað gengur vel, hvað ekki og þá er líka hægt að skoða börnin í samverustundinni. Við settumst saman niður á deildarfundum til þess að skoða myndböndin og greina þau saman og sjá það sem gengur vel og það sem mætti betur fara.

Okkur fannst líka bara gaman að fá að sjá okkur  í þeim samverustundum sem við vorum með, þá vorum við að&nbsp; fylgjast með því hvað það er sem þarf að laga í samverustundum og hvort það er eitthvað sem mætti betur fara. 

Þau prufuðu að smyrja sjálf og hella í glös. Það gekk misvel og smjörið þurfti að vera mjúkt og ekki of mikil mjólk í fernunni. Það var mjög spennandi að fá að smyrja sjálf og í staðinn fyrir að bæta við hnífum( það tekur stundum smá stund að smyrja) þá þjálfast börnin við að bíða.

Einnig velja þau sér það sem þau vilja sem var ekki í boði í covid.

Eftir áramót bættum við inn yngri hópunum og einnig hádegismatnum. Þau eru farin að skammta sér sjálf þegar  það hentar. 

Mjög mikil einbeiting hjá þessari stúlku

Það kom fram í þróunarvinnu deildarinnar á því að efla lýðræði og þátttöku barnanna í samverustund ásamt því að þróa verkfæri sem vekur áhuga barna á þátttöku í samverustundum, þá hefur margt litið dagsins ljós sem verður dregið saman hér. Það kom einnig vel í ljós að þetta var góð leið til að efla sjálfstæði og öryggi starfsfólks þegar kom að því að vera með samverustund. Myndbandanna kom það ótvírætt í ljós að samverustundirnar eru mun betri, skemmtilegri og skilvirkari en áður og þar spilar samverukassinn stórt hlutverk.

Börnin læra að telja hversu mikið magn af glösum, diskum og öðrum borðbúnaði þau þurfa á hvert borð.

Við hvetjum börnin líka til að aðstoða sig sjálf í matartímanum. Þau skammta sér sjálf og smyrja brauðið sitt.

Við vildum leyfa börnunum á deildinn að taka meiri þátt í daglegri rútínu inn á deild.

Börnin fengu 4 verkefni. Gangaverðir: Tvö börn eiga að passa upp á að fataklefinn sé hreinn og fínn. Garðverðir: Tvö börn fá að fara með einum kennara út í garð á undan hinum bönunum og skoða garðinn og hvort það sé eitthvað óæskilegt í garðinum. Veðurfræðingar: Tvö börn fara og kíkja á veðrið með kennara og koma svo inn og segja hvernig veðrið er og í hverju börnin eigi að klæðast þann daginn Þjónar: Þrjú börn koma aðeins fyrr úr útiveru og leggja á borð með kennara fyrir alla deildina.

Áður en vinnan hófst vegna þróunarverkefnisins þá gengu börnin frá sínum disk og glasi eftir mat. Eina sem breyttist var að við leyfðum þeim að skafa sjálf af disknum. Þannig læra þau með tímanum að skammta hæfilega skammta og einnig höfum við tekið stuttar umæður um matarsóun

Við notuðum Rannsóknardagbók í verkefninu og hjálpaði það okkur mikið að geta skoðað það sem við höfum verið að velta fyrir okkur. 

Ég hélt að það kassinn myndi ekki hjálpa neitt en ég hef verið að finna fyrir því í samveru að ég viti ekki alveg hvað ég á að gera og hvað það er best að gera með þessum aldri því það er oft erfitt að ná með þeim einhverju samtali en ég hef fundið fyrir því eftir að kassinn kom er auðveldara að setjast niður með börnunum og við ákveðum saman hvað við ætlum að gera og þegar það er komin niðurstaða um hvað það á að gera er auðvelt að taka það úr kassanum og byrja og hafa samverurnar verið mjög auðveldar síðan.

Eftir að&nbsp; við byrjuðum að nota þennan kassa hafa samverustundirnar verið auðveldari það er gott að hafa hann til stuðnings þegar ég sé um samverustund. Mikið af fjölbreytum og skemmtilegum verkefnum í kassanum sem hægt er að nota og mér finnst eins og ég hef betri stjórn á samverunni og því sem er að gerast í kringum mig.

Eftir að búið er að ræða hvernig veðrið er, setjum við upp spjald þar sem stendur hvernig það er og hvernig börnin eiga að klæða sig í útiveru.

Þjónarnir taka sínu hlutverki mjög alvarlega. Auk þess að börnin fái að leggja á borð fá þau líka að bjóða hinum á deildinni að fá sér að borða.

Það sem þessi samverukassi hefur gert fyrir gæði samverustunda er vel merkjanlegur þar sem starfsfólk er mun öruggara og viljugra að taka þátt í samverustund og börnin eru virkari þátttakendur. Það heyrist mun minna „sestu niður“ og „hættu þessu“. Starfsfólkið og börnin upplifa samverustundirnar betri, auðveldari, þægilegri og miklu skemmtilegir. Markmið okkar var að við hefðum gæða samverustundir með því að styrkja mitt starfsfólk svo það yrði öruggara og hefði gaman af því að vera með stundirnar og að börnin fengju tækifæri til að fá skemmtilegar og fjölbreyttar samverustundir. Það markmið hefur tekist alveg klárlega og erum við mjög ánægð með hvernig verkefni gekk og hvað þetta hefur aukið gæði samverustunda.

Börnunum þykir þetta mjög skemmtilegt og læra þau helling af þessu. Þegar við förum yfir veðrið tölum við líka um hvaða dagur er og hvaða mánuður. Við tölum líka um árstíðirnar og hvernig veðrið er hverju sinni.

Börnin læra líka allskonar hugtök um veðrið eins og slydda, súld og gola. Við setjum veðrið í flokka eftir, hita, úrkomu, vindi og skýjafari

Áskoranir í gegnum ferlið: Virkja alla starfsmenn á deildinni Finna sér bjargir þegar ákveðnir hlutir gengu ekki upp Gefa sér tíma að leyfa börnunum að prufa sig áfram

Það er allt í lagi þó það sé sullað smá niður, að matur fari á gólfið þegar gengið er frá eða þau skammta sér aðeins of mikið á diskinn

Það sem þetta verkefni hefur kennt okkur á deildinni er það að við höfum áttað okkur á því að samverustund snýst ekki eingöngu um það að gera það sem starfsfólkinu dettur í hug hverju sinni heldur verður að vera eitthvað markvisst þar sem allir bæði börn og fullorðnir hafa eitthvað um það að segja hvað fer fram í samverustund. Þegar hugmyndin um að gera samverukassa kom upp á yfirborðið hófst vinna við að þróa hann og velta fyrir sér hvernig verkefni eru í kassanum. Börn og fullorðnir fóru í hugmyndavinnu og margt var prófað. Eftir að samverukassinn kom til sögunnar þá höfum við verið með meiri gæða samverustundir og erum meðvitaðar um að fylgja áhuga barnanna á því sem verið er að gera. 

Börnin sem eru gangaverðir hjálpa til við að sópa fataklefann ef þau vilja. Þau fara líka og láta hin börnin á deildinni vita ef þau gleyma að hengja upp fötin sín eða ganga frá skónum sínum.

Börnin læra mikið af þessu, þau ganga betur um og passa frekar upp á fötin sem þau eiga.

Á þriðju deidinni var ákveðið að auka þátttökubarna í samverustund,Þar sem okkur fannst það mikilvægt að bjóða börnunum upp á það að vera virkir þátttakendur. Við byrjuðum á því að skoða hvað samverastund væri og hvert hlutverk kennarans væri í þeim.

Hvað eru samverustundir í leikskólum? Þegar orðinu samverustund er velt fyrir sér þá segir það sig sjálft hvað felst í því en það er mikilvægt að gæði samverustunda sé gott, en samverustund er stund sem starfsfólk og börn eyða saman í leikskólanum. Sá tími felst ekki eingöngu í þeim tíma og rými sem stundin fer fram heldur er það mikilvægt að skapa upplifun þar sem hópurinn er samtaka í því sem verið er að gera og veiti því athygli (Nanna Marteinsdóttir,2015). Hlutverk kennarans í samveru Þegar það kemur að samverustund þá þarf kennarinn að búa yfir mikilli hæfni og þekkingu til að leiða slíkar stundir, hvort sem það er til að ýta undir áhuga barnanna, virkja þau til þátttöku eða til að fá börnin til að tjá sig um það sem verið er að gera (Nanna Marteinsdóttir,2015).

Name

Safari may block some audio or video from playing automatically and ‘read to me’ will skip these. You can configure this in Safari’s preferences.