ბერტა ფონ ზუტნერი

ბერტა ფონ ზუტნერი
ნობელის პრემიის ლაურეატის
სიყმაწვილის წლები
ნაწილი 1

Bertha von Suttner 1860

ოცნებები
სიყვარული
გაქცევა

კინსკების სასახლე ძველი ქალაქის მოედანზე, საფოსტო ბარათი

პრაღის ისტორიულ მოედანზე მდებარე როკოკოს სტილით ნაგებ ამ სასახლეში, კინსკების საგვარეულო სახლში,
1843 წლის 9 ივნისს დაიბადა ბერტა სოფია ფელიჩიტა კინსკი, გრაფინია ვხინიცისა და ტეტაუსი.
კინსკების ოჯახი დიდი დაფასებითა და უაღრესი პატივისცემით სარგებლობდა.

ბერტა ფონ ზუტნერის მამა თავის სამ ძმასთან ერთად.

ბერტას მამა, ფრანც იოზეფ კინსკი, გრაფი ვხინიცისა და ტეტაუსი,
და მისი 3 ძმა მაღალი რანგის ოფიცრები იყვნენ.
ეს მათი ოჯახური ტრადიცია იყო. ბერტას მამას, როგორც ძმებში ყველაზე უმცროსს, დიდი მემკვიდრეობა არ რგებია. გარდაიცვალა 75 წლის ასაკში, ბერტას დაბადებამდე ცოტა ხნით ადრე.

ოპერის მომღერალი ჰენრიეტა ფონ ზონთაგი, გრაფიკა, 1827

ბერტას დედა გარდაცვლილ მეუღლეზე 47 წლით უმცროსი იყო, წარმომავლობით ბურჟუაზიულ წრეს ეკუთვნოდა.
19 წლის იყო, როცა თავისზე ბევრად უფროს გრაფზე იქორწინა, მიუხედავად იმისა, რომ გათხოვებას მომღერლობა ერჩივნა.

მისი წარმომავლობა იმდროინდელ არისტოკრატიულ საზოგადოებაში ნაკლად მიიჩნეოდა. ამიტომაც იყო, რომ მაღალი არისტოკრატიის წარმომადგენელი კინსკები ბერტას ოჯახის სრულფასოვან წევრად არ აღიქვამდნენ.

ბერტას დაბადების შემდეგ ოჯახმა მალევე დატოვა პრაღა
და საცხოვრებლად ბერტას კანონიერ მეურვესთან გადავიდა ბრნოში,
სადაც გოგონამ სიყმაწვილის წლები გაატარა.

ბერტა არც სკოლაში დადიოდა და არც სამონასტრო სასწავლებელში, როგორც ეს არისტოკრატიულ წრეებში იყო მიღებული. მას ინგლისელი და ფრანგი გუვერნანტები ზრდიდნენ. სიმღერა და ფორტებიანოზე დაკვრა განათლების პროცესის ნაწილი იყო.

ბერტა 17 წლის ასაკში ვენეციაში, 1860 წლის ფოტო