Chronika brigady

1959-1968

Chronice na puć

Předsydstwo 1. serbskeje kulturneje brigady w róžowniku 2024

75 lět skutkowanje 1. serbskeje kulturneje brigady zjimane jako digitalny knižny poskitk –
to bě zaměr šulerkow a šulerjow 9. lětnika pod nawodom rjadowniskeje wučerki Juliany Rječkec. Nastali su wosom jednotliwe knihi, dźělene do časowych wotrězkow. W předpolu bě trěbne časowe dokumenty w formje fotow, tekstow a widejow rjadować a digitalizować. Wulka pomoc bě při tym studio Lucija pod nawodom Michała Cyža. Skónčnje bě tak daloko. Šulerjam steješe chronika z ryzy faktami skutkowanja a wulka syła časowych dokumentow k dispoziciji. Za šulerjow steješe nětko naročny nadawk, z wulkeje ličby datow najwažniše a najzajimawše podawki wupytać, do knihow splesć a je wuhotować. Bě to za 15lětnych jězba do zańdźenosće. Husto so za wosobinami abo skrótšenkami organizacijow
a městnosćow prašachu. Amizěrowachu so nad čorno – běłymi wobrazami zažnych lět, kaž nad fotami z nowšeho časa, na kotrychž toho abo tamneho přećela abo swójbneho spóznachu.
Kóžda jednotliwa kniha ma druhi rukopis, kotryž wuhotowar Štefan Hanuš jako zakład za dalše wobdźěłanje wužiwaše. Narok njebě tón, perfektnu knihu wuhotować, ale šulerjo dóstachu składnosć so we wuhotowanju pospytać. Wšitcy nałožowachu wjele prócy
a pokazachu angažement.
Tójšto šulerjow rjadownje spěwa tohorunja w chórje 1. serbskej kulturneje brigady sobu.
Tak su nastali knihi nětčišich brigadnikow za bywše a přichodne generacije brigadnikow, za jich sympatizantow a scyła lubowarjow serbskeho spěwa. Wjeselimy so, zo wobsteji móžnosć sej dopomnjenki wobhladać a w knihach listować. Njewobsteji prawo na dospołnosć.
Jeli-zo tón abo tamny čitar ze wšěm spokojom njeje a druhe informacije ma, tak wjeselimy so nad kóždym pokiwom!

Wjele wjesela při listowanju!

Šulerjo a šulerki, kotřiž su na tutych knihach dźěłali:

Baumgärtlec, Paula
Bauch, Moritz
Budar, Kito Beno
Cyžec, Madlena Philomena
Čornak, Matej
Ćemjer, Beno
Dubawic, Helena
Handrikec Marta Daria

Hančikec, Luisa Marta
Hoza, Metod
Hicka, Danko
Jurk, Milan
Kliman, Franc
Krahl, Dionys-Aron
Malink, Friedrich
Pilzec, Stella Maria

Rauerec, Anastasija
Richter, Franc
Statnik, Ionel
Statnik, Matej Feliks
Suchec, Lydija
Šnabl, Jan
Wićaz, Cajus
Žur, Filip

Projekt spěchuje so wot Załožby za serbski lud, kotraž dóstanje lětnje přiražki z dawkowych srědkow na zakładźe hospodarskich planow, wobzamknjenych wot Zwjazkoweho sejma, Krajneho sejma Braniborskeje a Sakskeho krajneho sejma.

Loading...

1959

Loading...

24.02.59

Loading...

Spěwna trójka a duet
brigady wustupitej
na póstnicach Domowinskeje
skupiny w Barće.

Loading...

28.02.59

Loading...

Spěwna skupina
a trójka na swjedźenju Nacionalneje fronty
w Poršicach.

Loading...

Loading...

Loading...

W druhej połojcy 50tych lět

Loading...

počinachu so słabe porodne lětniki kónca wójny wuskutkować a přizjewjenja do 9. lětnika Serbskeje wyšeje šule nahle woteběrachu. (Serbska šula, 1997, čo. 9, statistika).
W samsnym času prócowaše so wjednistwo Serbskeho wučerskeho wustawa w Małym Wjelkowje zaměrnje wo přesydlenje wučerskeho wustawa do Budyšina.
Wuměnu domow Serbskeho wučerskeho wustawa a Serbskeje wyšeje šule so wot Rady wokrjesa 22. 06.1959 wobzamkny.

Spad šulerstwa na Serbskej wyšej šuli so wězo tež na kulturnu brigadu wuskutkowa.
Na jeje wuměłski wukon pak stajachu so dale wysoke naroki.

Rejowanska skupina njemóžeše dźěłać, dokelž jeje nawodnica do Małeho Wjelkowa njejězdźeše.

1960

19.01.60

Spěwna skupina wobrubi Domowinsku zhromadźiznu w Rachlowje.

„...Přez wějeńcy wjezechu spěwnu skupinu do Rachlowa pod Čornobohom na wólbnu zhromadźiznu tamnišeje Domowinskeje skupiny. Jenož derje, zo bě wobchadnej policiji na tutym dnju tež zyma. Tołkachmy so mjenujcy pjećo w małym awće a nimo toho hišće gitara. Žadyn dźiw, zo awto přez Rachlowske wějeńcy njepřińdźe. Wšitcy z awta won a ćišćeć! Kajke bě to wjeselo, jako Keplinec a Hanskec při lutej ćmě do pjeńkatych črijow sněh čerpaštej. Ze zapozdźenjom dojědźechmy přemjerznjeni a z mokrymi nohami. Program pak so nam poradźi a přiklesk a dźak Rachlowčanow bě wulki. Wočerstwichmy so při ćopłym kofeju a najěchmy so dobrych pampuchow . Domojjězba njebě hižo tak dyrdomdejska. Škoda!"

1961

Na ptačokwasnych zarjadowanjach w Njebjelčicach, Klětnom 
a Krjebi wustupi nimo SLA, SLDź a cymbaloweje
skupiny z Ostrawy tež spěwna skupina kulturneje brigady.

19.08.61

W studentskim lěhwje
w Hórnikecach wobdźěli so tež kwartet brigady, kiž wuhotuje sobu wječorne zarjadowanja.

17.10.61

Kwartet wobrubi kermušu Krakečanskeho prodrustwa,
w samsnym tydźenju poskići program šlagrow a ludowych spěwow tež na sportowym balu Rotacije w Serbskim domje.

1962

28.06.62

Na zakónčacej jězbje maturantow k morju organizuja sej brigadnicy wustup we Wustrowje.

„Po wuspěšnje złoženych pruwowanjach dojědźechmy sej  k Baltiskemu morju. Chcychmy sej tam naše čuwy wočerstwić, duch dać wotpočnyć a wutrobu napjelnić z dowolowymi radosćemi. Dušina radosć wšak bě spěwanje a tak so prócowachmy wo wustup. Knjez Brankačk z klepotatym kolesom po přibrjóžnych pućikach wustup we Wustrowje přizjewi. Běchmy tam w domje FDGB lubje witani..."