Chronika brigady 2015-2023

Chronika brigady

2015-2023

Chronice na puć

Předsydstwo 1. serbskeje kulturneje brigady w róžowniku 2024

75 lět skutkowanje 1. serbskeje kulturneje brigady zjimane jako digitalny knižny poskitk –
to bě zaměr šulerkow a šulerjow 9. lětnika pod nawodom rjadowniskeje wučerki Juliany Rječkec. Nastali su wosom jednotliwe knihi, dźělene do časowych wotrězkow. W předpolu bě trěbne časowe dokumenty w formje fotow, tekstow a widejow rjadować a digitalizować. Wulka pomoc bě při tym studio Lucija pod nawodom Michała Cyža. Skónčnje bě tak daloko. Šulerjam steješe chronika z ryzy faktami skutkowanja a wulka syła časowych dokumentow k dispoziciji. Za šulerjow steješe nětko naročny nadawk, z wulkeje ličby datow najwažniše a najzajimawše podawki wupytać, do knihow splesć a je wuhotować. Bě to za 15lětnych jězba do zańdźenosće. Husto so za wosobinami abo skrótšenkami organizacijow
a městnosćow prašachu. Amizěrowachu so nad čorno – běłymi wobrazami zažnych lět, kaž nad fotami z nowšeho časa, na kotrychž toho abo tamneho přećela abo swójbneho spóznachu.
Kóžda jednotliwa kniha ma druhi rukopis, kotryž wuhotowar Štefan Hanuš jako zakład za dalše wobdźěłanje wužiwaše. Narok njebě tón, perfektnu knihu wuhotować, ale šulerjo dóstachu składnosć so we wuhotowanju pospytać. Wšitcy nałožowachu wjele prócy
a pokazachu angažement.
Tójšto šulerjow rjadownje spěwa tohorunja w chórje 1. serbskej kulturneje brigady sobu.
Tak su nastali knihi nětčišich brigadnikow za bywše a přichodne generacije brigadnikow, za jich sympatizantow a scyła lubowarjow serbskeho spěwa. Wjeselimy so, zo wobsteji móžnosć sej dopomnjenki wobhladać a w knihach listować. Njewobsteji prawo na dospołnosć.
Jeli-zo tón abo tamny čitar ze wšěm spokojom njeje a druhe informacije ma, tak wjeselimy so nad kóždym pokiwom!

Wjele wjesela při listowanju!

Šulerjo a šulerki, kotřiž su na tutych knihach dźěłali:

Baumgärtlec, Paula
Bauch, Moritz
Budar, Kito Beno
Cyžec, Madlena Philomena
Čornak, Matej
Ćemjer, Beno
Dubawic, Helena
Handrikec Marta Daria

Hančikec, Luisa Marta
Hoza, Metod
Hicka, Danko
Jurk, Milan
Kliman, Franc
Krahl, Dionys-Aron
Malink, Friedrich
Pilzec, Stella Maria

Rauerec, Anastasija
Richter, Franc
Statnik, Ionel
Statnik, Matej Feliks
Suchec, Lydija
Šnabl, Jan
Wićaz, Cajus
Žur, Filip

Projekt spěchuje so wot Załožby za serbski lud, kotraž dóstanje lětnje přiražki z dawkowych srědkow na zakładźe hospodarskich planow, wobzamknjenych wot Zwjazkoweho sejma, Krajneho sejma Braniborskeje a Sakskeho krajneho sejma.

Loading...

2015

Loading...

Wot 9. do 11. febuara podachu so 46 spěwarkow a spěwarjow pod nawodom Friedemanna Böhmy do chóroweho lěhwa do Hejnic.

Anna Hadankec pisa w Serbskich nowinach dnja 06.03.2015:

„... Dirigenta podpěraše lětsa młody spěwar Johannes Kral a pokaza wšěm, zo ma hižo talent, chór nawjedować … Hłósne zwučowanja přewjedźe Tanja Donatec… Wona zwučowaše z jednotliwymi spěwarjemi na spěwnej technice a dawaše jim pokiwy k wurjekowanju….”

Loading...

Wot 15.-20. junija poda so chór
1. serbskeje kulturneje brigady do Waršawy. Tam wustupichu
w pósłanstwje ZRN a w uniwersitnej cyrkwi.

Loading...

Loading...

Loading...

Loading...

Wot 10. oktobra započachu so nahrawanja „Wětrnika a časy” w Radworju. Kaž kóžde lěto wobdźělitej so brigada a rejwanska skupina na schadźowance dnja 21. nowembra. Dale wobrubi młodźinski nyšpor we Wotrowje. Adwenty koncert brigady wotmě so 12. decembra w Michałskej cyrkwi.

Schadźowanka 2015

2016

14. januara wobrubichu hercy „Swjedźeń serbskeje rěče” w SGB. Kaž zašłe lěto poda so brigada tež tute lěto do Hejnic na chórowe lěhwo. Nimo napinacych probow, swjećachu wjesołe póstnicy.

9. apryla měješe 1. serbska kulturna brigada nalětni program w Budyskej piwarni.
Dźeń na to běše druhi nalětni program w Ćisku.

11. junija prezentowaše brigada swoju CD „Wětrnik a časy" z orchestrom SLA a Malte-Rogacki-band w Chrósćicach.

Serbske nowiny pisaja dnja 13.06.2016:
„Hudźo ćahnu woni do hale „Jednoty”, a hižo jich wutrobny přiklesk wita. Znaja so mjezsobu- wědźa, što smědźa wočakować. … Dźiwaš so, kelko tu młodych ludźi, kotřiž chcedźa spěwać a to tež zamóža! Připosłuchar dožiwi rozžahłe zhromadne skutkowanje wšelakich akterow, z lubosću zjimane wot dirigenta Friedemanna Böhmy. …”

Dnja 27. awgusta wobrubi brigada Božu mšu k zapokazanju biskopa Timmereversa
w katedrali w Drježdźanach.

Za schadźowanku 19. nowembra wotmě so hižo 25. oktobra cyłodnjowska proba z chórom
a rejwanskej skupinu.

Na nazymskim koncerće w Radworju 30. oktobra wobdźělichu so rejwanska skupina, Till, Pawlina
a dźěćacy chór. 20. adwentny koncert 17. decembra wuhotowachu brigada, solisća z Prahi
a orchester SLA „Čěsku hodownu mšu" wot Jakuba Jana Ryby.