Atuartut Nukarliit - Niuerniummi qoorortuuaraq

Aallaat sorleq pilerigiviuk? Qanoq akeqarpa? Allanik sunik pisiaqarpit? Pisiatit akiilu pisiat allagartaannut allattukkit.

Aallaat kr. ... ... ... ... ... ... ... ...

INUIAQATIGIIT PINIARNERMIK INUUSSUTISSARSIUTILLIT

Avannaani meeqqat 8-10-nik ukioqalereersut aallaaniarnermik ilinniartinneqartarnerat nalinginnaasorujussuuvoq. Nukappiaraq imaluunniit niviarsiaraq perngaraangat, tamanna ilaquttat ikinngutillu tamaasa ilagalugit nalliuttorsiutigineqartarpoq. Tassa inuiaqatigiit piniarnermik inuussutissarsiutillit ulluinnarni inuunermi piniarnermik aalisarnermillu aallussisut. Tassa kalaallit inooriaasiat.

Uumasumik pisaqarsimasumik nalunngisaqarpit?

Najugarisanni inuit amerlasuut piniartarpat?

https://api.bookcreator.com/users/v2/YVeXLTGgzmz46p3-R-O3iLT5nk-21WeUMO7cwwqak8o/books/LePbYsJOTTS7_G7PtnxfAA/assets/unhCoWWwS46VbSRl2QKoEw?width=524&height=350

Immikkut pisimasut suut illit najugarisanni nalliuttorsiutigineqartarpat?

Williammi 11-nik ukioqarluni aatani ilagalugu angalallutik puisimik takupput. Aataata puisi aallaariaraluaramiuk uniorpaa. Taava Williammip qoorortuuaraq tigoriarlugu puisi niaquatigut aallaavaa.&nbsp; Aataata puisi ingerlaannaq pilakkusukkaluarpaa, Williammili ingerlaqqikkusuppoq. Iluliarsuaq saneqqullugulu Williammi puisimik allamik takuvoq. Taannalu aamma pisaraa. Puisimik perngartoqaraangat ulloq pingaartinneqartarpoq. Williammip puisi ataasiinnaanngitsoq, marlulli pisarai.

WILLIAMMIP ULLORSIORNERA

Williammip puisinik marlunnik perngarnera aqaguani aatakkuini nalliuttorsiutigineqarpoq. Ilaquttat ikinngutillu tamarmik kaffisoriartorput. Williammili nerisinnaarpianngilaq kigutai immuttuutit marluk aalammata. Pulaartulli tamarmik mamarsaqaat.

Illit najugaqarfinni pisimasut pingaartut qanoq nalliuttorsiutigineqartarpat? Sunik nerisarpat? Ataani kaffisortitsinnissinni asseq ikkuguk.

https://api.bookcreator.com/users/v2/YVeXLTGgzmz46p3-R-O3iLT5nk-21WeUMO7cwwqak8o/books/LePbYsJOTTS7_G7PtnxfAA/assets/1NWFw2KvTwGN5FXdvHn_DQ.png?width=846&height=562

Aana aataaq Titartaasoq: <a href="https://www.victoriaogverdensmaalene.dk/">Victoria &amp; Verdensmålene</a>

Ilisimaviuk? Aataap piaraa inoorlaaq qaqortumik meqqoqarpoq piumaneqartorujussuullunilu. Taamaattumik siornatigut piaqqisarfinni piaqqat toqorarneqartarput. Tamannali maannakkut unitsinneqarnikuuvoq, tamatumalu kingorna malunnartumik puisit amerliartorsimapput.

Imaani sinerissamilu uumasuuvoq. Aataat inuusuttut allattuunik taaneqartarput, inersimasullu aataarsuarnik taaneqartarput. 190 cm-it tikillugit takissuseqalersinnaapput. 140 kg tikillugit oqimaassuseqarsinnaapput. 4-6-nik ukioqaleraangami ukiumut ataatsimik piaqqisarpoq. Qaammatini 11-12-ni illaaqartarpoq. Ukiut 30-it tikillugit utoqqaassuseqalersinnaavoq.

Puisi inersimasoq qanoq taaguuteqarpa?

Arnaviaq qassinik ukioqaleraangami piaqqisinnaalersarpa?

https://api.bookcreator.com/users/v2/YVeXLTGgzmz46p3-R-O3iLT5nk-21WeUMO7cwwqak8o/books/LePbYsJOTTS7_G7PtnxfAA/assets/CydTWZj6T5Gn-hkTNdN_RQ.jpeg?width=2029&height=817

Kangiata Illorsuanut tikilluarit. Kangiata Illorsua illuuvoq sermeq sermillu eqqaani inuuneq pillugit oqaluttuassarpassualik. Kangiata Illorsua Nunatsinni Ilulissaniippoq.

https://api.bookcreator.com/users/v2/YVeXLTGgzmz46p3-R-O3iLT5nk-21WeUMO7cwwqak8o/books/LePbYsJOTTS7_G7PtnxfAA/assets/JiGCDC8IQKWclBbOX4R2EA.jpg?width=1178&height=810

Uani takusinnaavat Kangiata Illorsua ukiukkut qanoq isikkoqarnersoq. Quppernerup tulliani Ilulissat sumiinnersoq takusinnaavat.

Maannakkut podcasti tusarnaassavat, taannalu ateqarpoq Niuerniummi qoorortuuaraq. Podcastimi tusarnaassavat Williammi 11-nik ukioqarluni puisinik marlunnik perngartoq. Aamma tusarnaassavat nunatsinni inuiaqatigiit piniarnermik inuussutissarsiuteqartut, nalinginnarlu sumiluunniit aallaasisarsinnaasut.

Kangiata Illorsuanut tikilluarit Nunap assinga Ilulissat Maani najugaqarpunga Inuiaqatigiit piniarnermik inuussutissarsiutillit Tusarnaarit oqaluttuarlutillu Puisinniarneq Williammip perngarnera Aataaq Niuerniummi qoorortuuaraq Paasissutissaasiviga Uanga oqaluttualiara

qupperneq 4-7 qupperneq 8-9 qupperneq 10-11 qupperneq 12-13 qupperneq 14-15 qupperneq 16-17 qupperneq 18-19 qupperneq 20-21 qupperneq 22-23 qupperneq 24-25 qupperneq 26-27

Name

Safari may block some audio or video from playing automatically and ‘read to me’ will skip these. You can configure this in Safari’s preferences.