Atuartut nukarliit atuagaat - Sermeq inuunermik tunisisoq

MALIUP TIMMISARTUMIK ANGALANERMINI AQQUTAA

https://api.bookcreator.com/users/v2/YVeXLTGgzmz46p3-R-O3iLT5nk-21WeUMO7cwwqak8o/books/WCh2sgj4QlCBZlzSWTUfOw/assets/CydTWZj6T5Gn-hkTNdN_RQ.jpeg?width=2029&height=817

Kangiata Illorsuanut tikilluarit. Kangiata Illorsua illuuvoq sermeq pillugu sermillu eqqaani inuuneq pillugu oqaluttuassarpassualik. Kangiata Illorsua Nunatsinni Ilulissaniippoq.

https://api.bookcreator.com/users/v2/YVeXLTGgzmz46p3-R-O3iLT5nk-21WeUMO7cwwqak8o/books/WCh2sgj4QlCBZlzSWTUfOw/assets/JiGCDC8IQKWclBbOX4R2EA.jpg?width=1178&height=810

Uani takusinnaavat Kangiata Illorsua ukiukkut qanoq isikkoqarnersoq. Quppernerup tulliani Ilulissat sumiinnersoq takusinnaavat.

Sermip ningimarna - isumaqarpoq “sermeq ingerlaartoq”. Sermillu ningimarna tassaavoq sermeq annertooq ingerlaartoq. Sermip ningimarna aput nutaaq sermersuup qaavanut oqimaatsunngorluni nakkaagaangat pinngortarpoq. Aputit serminngortut qaleriiaat oqimaappallaaleraangata sermip atsinnersaa naqitsinermit sinerissap tungaanut ajattarneqartarpoq. Sermeq pinngortoq sermip ningimarnamik taaneqartarpoq. Sermip ningimarna aamma sermimik taagorneqartarpoq. Sermeq Kujalleq Nunarsuarmi sermit ingerlaartut sukkanersaraat. Ullup unnuallu ingerlanerani 40 meterit tikillugit nikittarpoq.

Sermip ningimarna imaanut ingerlanermini qaarsoqarfikkut maniitsukkut ajattarneqartarpoq. Qaarsoqarfik maniitsoq sermimik quppanitsitsisarpoq.

Sermip ningimarna imaanut anngukkaangami sermeq quppatigut napisarpoq. Sermip naffakui nakkaasut ilulianngortarput. Taamatut pisoqaraangat oqartoqartarpoq sermeq iigartoq. Videomi takusinnaavarsi sermeq iigartoq sermerlu annertoorujussuaq qupititerluni nakkaasoq.

Large Iceberg Breaking near Ilulissat

Maannakkut podcasti tusarnaassavarsi, taannalu ateqarpoq Sermeq inuunermik tunisisoq. Sermeq Kujalleq pillugu oqaluttuartoq tusarnaassavarsi. Sermeq taanna tassaavoq nunarsuarmi iigartartut annersaat sukkanersaallu. Malik aamma oqaluttuartoq tusarnaassavarsi. Qulimiguulimmik timmisartortartuuvoq takornarissanillu Kangianut Sermimullu Kujallermut qulimiguulimmik takornariartitsisartoq.

Kangiata Illorsuanut tikilluarit Ilulissat nunap assinga Maani najugaqarpunga Kangia Tusarnaarit oqaluttuarlutillu Sermit ningimarni/Sermit Iigarneq Uumasorpassuit Uanga sermeq piga Paasissutissaasiviga Malik angalaqatigalugu Maliup timmisartumik angalanermini aqqutaa Katiterilluni assilialiorneq

quppernerit 4-7 quppernerit 8-9 quppernerit 10-11 quppernerit 12-13 quppernerit 14-15 quppernerit 16-17 quppernerit 18-19 quppernerit 20-21 quppernerit 22-23 quppernerit 24-25 quppernerit 26-27 quppernerit 28-29 quppernerit 30-31

Kangerlummi sermilimmi sermeq tamaani uumasunut atugarissaartitsivoq. Taamaattumik oqartoqartarpoq sermeq inuunermik tunisisoq. Uumasut inunnut tamaani inuusunut, aalisartunut piniartunullu, pingaaruteqarput. Qangaanerusoq miluumasut imarmiut angisuut, soorlu puisit arferillu, nunaqarfimmiut inuunerannut pinngitsoorneqarsinnaasimanngillat. Ullumikkut inuppassuit qaleralinnik raajanillu Kangiani pisaqartarput. Tamanna Ilulissat umiarsualivianni ingasalluinnartumik inunnik ulapputsitsisarpoq. Aasakkut sermeq tiffasinneruleraangat uumasut sinerissamut qaninnerulersarput umiatsiamillu pisarineqarsinnaallutik. Ukiukkut kangerluk sikugaangat aamma natsit sikumi alluni pisarineqarsinnaasarput.

Name

Safari may block some audio or video from playing automatically and ‘read to me’ will skip these. You can configure this in Safari’s preferences.