"ლეკვი ლომისა სწორია..."

გენდერული თანასწორობა, უპირველეს ყოვლისა, ადამიანის უფლებაა. ქალებს უფლება აქვთ, იცხოვრონ ღირსეულად, სიღარიბისა და შიშის გარეშე. ქალთა გაძლიერებას არსებითი მნიშვნელობა აქვს მდგრადი განვითარების მისაღწევად და სიღარიბის აღმოსაფხვრელად.

გაეროს ბავშვთა ფონდის განცხადებით, გენდერული თანასწორობა „ნიშნავს, რომ ქალები და მამაკაცები, გოგონები და ბიჭები ერთნაირი უფლებებით, რესურსებით, შესაძლებლობებით და დაცვით სარგებლობენ. არ მოითხოვს იმას, რომ გოგოები და ბიჭები, ან ქალები და კაცები, ერთნაირები იყვნენ, ან რომ მათ ზუსტად ერთნაირად მოეპყრონ.“

გენდერული ბალანსი გულისხმობს ქალის და მამაკაცის თანაბარ წარმოჩენას, უფლებამოსილებას, პასუხისმგებლობასა და თანასწორ მონაწილოებას პირადი და საზოგადოებრივი ცხოვრების ყველა სფეროში. გენდერული თანასწორობა ადამიანის უფლებათა განუყოფელი ნაწილია, თუმცა ჩვენს რეალობაში ვხვდებით სიტუაციებს სადაც გენდერულ თანასწორობაზე ლაპარაკიც არ შეიძლება, კაცები ლახავენ ქალთა უფლებებს, რეალობაში კი ვხვდებით ქალზე ძალადობის არაერთ ფაქტს.

შეუძლია თუ არა ქალს იყოს კაცის თანასწორი, დაიკავოს მაღალი თანამდებობები, ჰქონდეს საქმიანი ურთიერთობები ინტელექტუალებთან. იმუშაოს ყველაზე მაღალ პოლიტიკურ თანამდებობებზე. თანამედროვე მსოფლიოში თითქოს არ არსებობს წინააღმდეგობა, მაგრამ იშვიათად იღებს ქალი გადაწყვეტილებას წავიდეს პოლიტიკაში ან გახდეს მსხვილი საწარმოს ხელმძღვანელი.

მაგრამ ასეთი ქალებიც არსებობენ: ძლიერები, შრომისმოყვარეები, მიზანდასახულები სიმაღლის დასაპყრობად, ამასთანავე ქალურები, ალერსიანები, მომხიბვლელნი და მიმზიდველნი. ქალები პოლიტიკაში მაინც იშვიათი მოვლენაა. საზოგადოება ძნელად შორდება დამამცირებელ წარმოდგენას იმაზე, რომ პოლიტიკა - ეს ძლიერთა ანუ მამაკაცთა ხვედრია. სიტყვები „ქალი და პოლიტიკა“ ბევრ ადამიანში იწვევს უარყოფით რეაქციას, რომ ქალის ადგილი არა პოლიტიკაში, არამედ სამზარეულოშია.

ვფიქრობ რომ ქალი პოლიტიკაში ეს არაჩვეულებრივი ფენომენია, ქალი მეფედ, იმპერატორად, დედოფლად, საუკეთესო პოლიტიკოსად. ისტორიას ახსოვს არაერთი საუკეთესო მმართველი ქალი. გადავხედოთ საქართველოს ისტორიას და გავიხსენოთ ჩვენი ქვეყნის არა ერთი გამორჩეული ლიდერი ქალი; მაგალითისთვის მეფედ-მეფე თამარი და ქეთევან დეედოფალიც კმარა!

რას მოგვცემს გოგონების განვითარება საქართველოში?
იმ შემთხვევაში თუ ქალი განვითარებული და წარმატებული იქნება, თუკი საკუთარი შემოსავალი ექნება, მას არ მოუწევს მოძალადე ქმართან ცხოვრება. ხშირია შემთხვევა როდესც ქალები კაცის მხრიდან შეურაცხყოფას იტანენ, რადგან წასასველელი არ აქვთ და მატერიალურად ქმარზე არიან დამოკიდებულები; ოჯახში სადაც გამუდმებით ძალადობაა ბავშვს ხშირად უჩნდება ფსიქოლოგიური ტრამვები.

საქართველოში არსებობს ოჯახები სადაც ქალი რეალიზებულია და მამკაცები ამაში საკმოდ ჩართულები არიან, არსებობენ მამაკაცები რომლებიც საკუთარ მეორე ნახევარს განვითარებაში მხარს უჭერენ, ასეთი ოჯახი კი გამუდმებით სიყვარულით და სიხარულითაა სავსე, ბავშები გაცილებით ჭკვიანები, განათლებულები და კარგი ფსიქოლოგიისანი იზრდებიან.

საქართველოში გოგონების რეალიზება პირველ რიგში განაპირობებს ქალის წარმატებულ ყოფას, ჩაგვრის აღმოფხვრას, კარგ განათლებას, კარიერას და რაც მთავრია მომავალში ჯანსაღი ოჯახის შექმნას და კარგი თაობის აღზრდას. ოჯახში სადაც ნაკლები ძალადობაა და რეალიზებული ქალია გაცილებით ჭკვიანი და ჩამოყალიბებული თაობა იზრდება, რაც მომავალში განვითარებული და ჭკვიანი თაობის განმაპირობებელია.

"ვფიქრობ, ჩვენს რეალობაში ქალები პოლიტიკაში მაინც იშვიათად არიან. საზოგადოება ძნელად შორდება დამამცირებელ წარმოდგენას იმაზე, რომ პოლიტიკა ეს ძლიერთა, ანუ მამაკაცთა ხვედრია. "

თეკლა ბეროძე გენდერული თანასწორობის შესახებ

ქალი თავისი სიძლიერით , გმირობით, განათლებით არ ჩამოუვარდება მამაკაცს. მაგალითად, ქალი პრეზიდენტი, ქალი იურისტი, ქალი პედაგოგი,ქალი მფრინავი...... ქალს ძირითადად ოჯახში არ უფასდება შრომა. წინა საუკუნეებიდან მოყოლებული ქალები ყველგან და ყოველთვის დაჩაგრულები იყვნენ. ქალსა და მამაკაცს შორის უნდა იყოს თანასწორუფლებიანობა!!!

თამთა სვანიძე გენდერული თანასწორობის შესახებ