Dagskipulag 3 ára (hjalli)

Dagskipulag
3 ára

Álfaheiði

Deilum gildum okkar til að skapa betri heim

Starfsfólk

Steinunn Erla Sigurgeirsdóttir leikskólakennari M.ed. í náms-og kennslufræði og deildarstjóri.

Hrönn Valgeirsdóttir leikskólakennari M.A. í foreldrafræðslu og uppeldisráðgjöf og deildarstjóri.

Guðrún Ósk Lindquist leiðbeinandi, Leikskólabrú FB

Elísabet Ósk Bragadóttir, leiðbeinandi

Guðrún Rósa Björnsdóttir, leiðbeinandi

Á deildinni eru börn á aldrinum 3-4 ára. Markmið okkar er að börnunum líði vel og reynum við að skapa umhverfi og aðstæður svo þau upplifi traust, öryggi og vellíðan í leikskólanum. Á þessum aldri tekur þroski barna kipp á mörgum sviðum. Málþroski eykst og þau hafa aukna þörf fyrir að segja frá og eiga í samskiptum við aðra, tilheyra hóp og læra ímyndunar- og hlutverkaleiki. Leiðtogar verða til, þau læra að bera ábyrgð á sjálfum sér t.d. við matarborðið og á baðherberginu. Umræða um líðan og tilfinningar er mikilvæg og að viðurkenna tilfinningar sínar. Kynjamunur gæti aukist, hvernig þau nálgast hvert annað í leik, hvern þau leika við o.s.frv.

Í leikskólanum upplifa börn gleði, fá að takast á við ögrandi viðfangsefni, læra að deila með sér og leika við aðra, sýna umburðarlyndi, hjálpsemi og bera virðingu fyrir sjálfum sér og öðrum.

Byrjun dags

Í byrjun dags er frjáls leikur til 8:30 þegar morgunmatur byrjar. Börnin sækja í rólegri leiki, klippa, líma, teikna, perla o.fl.

“Börnin hafa aðgang að skapandi og ögrandi umhverfi, bæði úti og inni, þar sem tækifæri eru til að beita fín- og grófhreyfingum.”

Úr námskrá fyrir 3-4 ára börn í leikskólum Kópavogur.

Morgunmatur

Það er hafragrautur og ávextir frá kl 8:30-9:00.

“Börnin upplifa rólegt og notalegt andrúmsloft.”

Úr námskrá fyrir 3-4 ára börn í leikskólum Kópavogur.

Sögustund

Við lesum á hverjum degi í litlum hópum. Við veltum fyrir okkur nýjum orðum og lesum góðar bækur oft.

“Markmið að börnin heyri fjölbreytt og vandað mál. Tjái sig við aðra, taki þátt í samræðum og færi rök fyrir máli sínu.”

Úr námskrá fyrir 3-4 ára börn í leikskólum Kópavogur.

Lífsmenntastund

Lífsmennta- og vináttu stundir eru einu sinni í viku. Þar ræðum við um gildin okkar og mikilvægi vináttu og góðra samskipta. Við lærum góð gildi með Blæ bangsa.

“Markmið að börnin sýni umburðarlyndi, hjálpsemi og tillitsemi gagnvart jafnöldrum og fullorðnum.”

Úr námskrá fyrir 3-4 ára börn í leikskólum Kópavogur.