las nostas istòrias sus la mitologia Pirenenca

Las nostas istòrias sus la mitologia Pirenenca

Istòrias escriutas peus CP e CE2 Escòla Calandreta de Lescar Annada escolara 2020 - 2021

Lo Horton Un còp èra, que i avèva Patric qui vivèva urós. Un dia, que i avó ua causa estranha qui commencè d’embroishar la soa maison. Patric que s’apressè.&nbsp;«&nbsp;E i a quauqu’un&nbsp;?&nbsp;», ce digó. Qu’aluquè la lutz, que sautè deu lheit e que’s copè la cama. Patric que n’avè hartèra, la maison qu’èra partvirada e ne vedèva pas jamei arren&nbsp;. Finalament Lo Horton que n’avó pro pr’amor Patric ne l’avè pas paur. Que partí dens ua auta maison. Joan

Regloja-Bidolha e la mainadeta Un còp èra que i avè ua maishanta mainadeta qui disèva lèds mots. Que i avè tanben la broisha Regloja-Bidolha. Mes un dia la mainadeta qu’avè hèit ua hèra grana peguessa&nbsp;: Qu’avèva transformat un òmi en Zom-Zom-Pitòish, e Regloja-Bidolha que transformè la mainadeta en cohet. Los dus, lo Zom-Zom-Pitòish e lo cohet, que’s hiquèn a combàter. La broisha que tornè transformar la mainadeta en umana e que partí. Julian

Lo Rei-Petit Lo Rei-Petit que hasó la corsa contra l’agla. Lo Rei-Petit que ganhè. Eoen

Lo sovier Pirèna, quan mori, qu’avèva pensat au moment on avè sauvat lo son amorós deu dragon. Loisa

Luc lo Hatic Un còp èra que i avèva un òmi qui s'aperava Luc. Que vivè sus la montanha. E dab la neu, que's divertiva a har iglós. Lo Luc ne's podèva pas jamei morir pr'amor qu'avèva un poder: quan la lua lusiva dens la nueit, l'òmi que's cambiava en lop. Còps que i a, que baishava de la montanha en passar per la seuva entà anar minjar los maishants mainats de la vila de Pau. Que l'aperavan lo Hatic deus Pirenèus . Roxana&nbsp;

Lo Zom-Zom Pitòish e lo Hatic Un còp èra que i avèva un mainat qui s’aperava Rafaèl. Qu’adorava jogar au Zom-Zom Pitòish. Mes un dia de passejada a la montanha, lo Zom-Zom Pitòish e lo Hatic que’s pelejavan &nbsp;e Rafaèl que digò au Zom-Zom Pitòish de veishir suu Hatic. Mes aqueth qu’escarronhè lo Zom-Zom Pitòish. Puish, Rafaèl que prengó la destrau deu pair e qu’espauruguè lo Hatic. Josèf

Lo Hatic que’s transfòrma en can e que s’escapa. Lili

Las nostas istòrias sus la mitologia Pirenenca

Lo Rei-Petit Lo capitani que ditz «&nbsp;ganhat, ganhat&nbsp;!&nbsp;» Iaèl

Un dia, lo Hatic que's transfòrma en lop. Nicolau

Lo Zom-Zom-Pitòish Un dia, que i avèva un beròi òmi qui s’aperava Diego. Tot lo monde que l’aimavan. Qu’èran charmants dab eth. Un dia qu’anè dens la seuva e que cadó. Qu’anava morir. - Oh non que vau morir! Mes ua bèstia qui s’aperava Yanma que’u voló sauvar. Mes tà que ne’s moresca pas, que’u transformè en Zom-Zom-Pitòish. Aqueth que tornè au vilatge e qu’espauruguè a tot lo monde. - Mercés Yanma! - Dab plàser. Qu’arremerciè Yanma de l’avè sauvat la vita. Qu’espauruguè au monde de contunh tà tota la demora de la vita. Ugò

Pirèna Un còp èra, que i avèva Pirèna. Qu’èra tranquilla. Sobte, qu’encontrè lo Zom-Zom-Pitòish e aqueth que la cobrí de moscas. Pirèna que cadó a l’arriu e que’s morí. Hercule, qui èra content dinc alavetz, de la vèder mòrta que n’estó malurós.&nbsp;«&nbsp;Nooon&nbsp;!&nbsp;». Cada dia, Hercule qu’anè hicar ròcs sus la soa tomba. Qu’estó atau qui’s creèn los Pireneus. Joan

Lo mistèri de las alas Un còp èra, que i avèva un ausèth qui s’aperava lo Rei-Petit. Que cercava las alas tà volar mei haut que l’agla. Que‘s passejava, que minjava puish un dia, qu’encontrè ua tortora. Que pugè sus ua montanha e que tornè las alas. La tortora qu’ajudè lo Rei-Petit a hicà’s las duas alas. Qu’aperèn l’agla e que hasón ua corsa. Lo Rei-Petit que ganhè. Noà

La caduda deu Rei-Petit Après que lo mei petit deus ausèths aja ganhat l’agla, que decidí de volar drin mei. Mes a un moment que baishè e que cadó.&nbsp;&nbsp;L’agla&nbsp;&nbsp;que&nbsp;&nbsp;n’èra&nbsp;&nbsp;content&nbsp;&nbsp;mes&nbsp;&nbsp;totun Qu’avó pietat de l’ausèth. Còp, que s’arroncè tà’u ratrapar.&nbsp;Mes suu camin qu’encontrè trebucs. E enqüèra après los trebucs, urosament lo son amic. Que digó&nbsp;: - E pòdes ratrapar aqueth auseron entàt pregar&nbsp;? - Quiò amic . - Mercés, mic&nbsp;. - Dab plaser, amic. - Mercés ta tot. - D’ac&nbsp;. - Bon adara qu’i vas, senon que’s va mau passar tà l’auseron . - Entenut, que vau miélher anar&nbsp;. - D’accord l’amic . - Qu’i vau viste&nbsp;! E en baishar, que i avèva lo petit ausèth qui tornava en pujar.&nbsp; Ellà

&nbsp;Lo Zom-Zom-Pitòish Un cop èra lo Zom-Zom-Pitòish qui èra dens ua clarèra. Mes un matin lo dragon aus 7 caps qu'arribè. Lo dragon que volèva tuar lo Zom-Zom-Pitòish pr'amor dab las soas moscas que l'esnerviava. Lo Zom-Zom-Pitòish que veishí e lo dragon que's morí Mes lo vent que bohè e lo Zom-Zom-Pitòish que s'envolè. Que s'estaquè a ua nubla, mes com las nublas son transparentas, lo Zom-Zom-Pitòish qu’anè mei anar mei haut.

Hercule que vedó l'espaurugalh. Hercule que sautè e que s'estaquè a l'espaurugalh. Los dus que cadón. Lo Zom-Zom-Pitòish qu'ajudè Hercule a hicar las pèiras sus la montanha en veishir. Hercule que digó : - Mercès Zom-Zom-Pitòish. - dab plaser. - Adiu ce digó Hercule.&nbsp;&nbsp; Titoan

Lo Hatic Un dia que i avè un animau. Que's pòde transfomar en lop la nueit e en can lo dia. Cleò

tèxtes escriuts peus mainatges de la classa de CP e CE2 de la Calandreta de Lescar. Editat peu regent Joan-Pau Goarré

La hada Medisha que hè maishants torns au monde. Los abitants que disen : «&nbsp;N’aimam pas la nosta vita. » Lucia

Un còp èra Pirèna que s’ei morta.&nbsp;Que’s transfòrma en montanha. Eoèn

Green geometrical pattern

L’òmi verd.&nbsp; Un dia que i avèva l’òmi verd. Que hasèva hèra de peguessas. Que copava las lutz e los murs&nbsp;de las maisons. Los òmis qu’èran hèra esmaliciats. Un dia, ua mainada, dab lo pair, que fabriquè un tracanard e ua pocion. Que foncionè. L’òmi verd qu’estó gahat. Que bevó un horrup de pocion e que vadó hèra agradiu. Titoan

Tianà e lo Zom-Zom-Pitòish Un dia, que i avèva un vilatge, e dens aqueth vilatge, ua mainadeta qui s'aperava Tianà. Un drin mei luenh, que i avevà ua tuta on vivèva lo Zom-Zom-Pitòish. Qu'avèva los 68 ans e qu'èra gran. Dab los amics, los insèctes, qu'embestiavan tostemps lo vilatge. Qu'èra tarrible. Mes un dia, un aute maishant qu'arribè. Que vienèva embestiar lo vilatge. Tianà, la mainadeta,qu' anè véder lo Zom- Zom-Pitòish. La mainadeta que cridè&nbsp;: Zom-Zom-Pitòish, sorteish! Que i a un gigant enòrme au vilatge. Lo Zom-Zom-Pitòish que sortí e que digó&nbsp;: - Qué vòs Tianà&nbsp;? - E' m pòts ajudar entà' t pregar&nbsp;? - Vam, entenut, ce digó l'espaurugalh. Qué cau har&nbsp;? - Pren la toa armada, ce digó Tianà. Atau, tot dia que hasèva partir lo gigant. - Qu' ei un miracle, ce digón los abitants deu vilatge. Despuish aceth dia, Tianà e Zom-Zom-Pitòish que son amics. Gabrièla

L' òmi-can qu' encontra lo dragon aus sèt caps. Un deus dus caps que boha huec sus l' òmi tau minjar. Que hica l'òmi dens un volcan Natan

Lo Rei-Petit &nbsp;Un cop èra&nbsp;, que i avè lo Rei-Petit qui anè dens los Pirenèus. Qu’encontrè un vutre. - E hèm un concors&nbsp;? - S’ac voletz. - Anem, que començam&nbsp;? - Quiò. Mes lo vutre qu’èra trop haut. - Anem, ça-i, ce ditz lo vutre. - Qu’arribi, ce responó lo Rei-Petit. Còp, lo Rei-Petit que prengó ua escala tà estar lo mei haut. 3-2-1 , let’s go&nbsp;! La corsa qu’avè començat.

Mes, sobte qu’anè cader. -Ajuda&nbsp;! Ajuda&nbsp;! Ajuda&nbsp;!!! Que cerquè ua idea tà resòlver lo problèma mes ne’n trobè pas. - Ajuda&nbsp;! Ajuda&nbsp;!!! Urosament per escadença, lo vutre que l’entenó e que’u viengó sauvar. -Mercés, mercés&nbsp;! Que m’as sauvat la vita&nbsp;! Finalament qu’ac expliquè tot au vutre e desempuish aceth dia que son amics. ROMAN

Name

Safari may block some audio or video from playing automatically and ‘read to me’ will skip these. You can configure this in Safari’s preferences.