Chronika brigady

^1979-1988

Chronice na puć

Předsydstwo 1. serbskeje kulturneje brigady w róžowniku 2024

75 lět skutkowanje 1. serbskeje kulturneje brigady zjimane jako digitalny knižny poskitk –
to bě zaměr šulerkow a šulerjow 9. lětnika pod nawodom rjadowniskeje wučerki Juliany Rječkec. Nastali su wosom jednotliwe knihi, dźělene do časowych wotrězkow. W předpolu bě trěbne časowe dokumenty w formje fotow, tekstow a widejow rjadować a digitalizować. Wulka pomoc bě při tym studio Lucija pod nawodom Michała Cyža. Skónčnje bě tak daloko. Šulerjam steješe chronika z ryzy faktami skutkowanja a wulka syła časowych dokumentow k dispoziciji. Za šulerjow steješe nětko naročny nadawk, z wulkeje ličby datow najwažniše a najzajimawše podawki wupytać, do knihow splesć a je wuhotować. Bě to za 15lětnych jězba do zańdźenosće. Husto so za wosobinami abo skrótšenkami organizacijow
a městnosćow prašachu. Amizěrowachu so nad čorno – běłymi wobrazami zažnych lět, kaž nad fotami z nowšeho časa, na kotrychž toho abo tamneho přećela abo swójbneho spóznachu.
Kóžda jednotliwa kniha ma druhi rukopis, kotryž wuhotowar Štefan Hanuš jako zakład za dalše wobdźěłanje wužiwaše. Narok njebě tón, perfektnu knihu wuhotować, ale šulerjo dóstachu składnosć so we wuhotowanju pospytać. Wšitcy nałožowachu wjele prócy
a pokazachu angažement.
Tójšto šulerjow rjadownje spěwa tohorunja w chórje 1. serbskej kulturneje brigady sobu.
Tak su nastali knihi nětčišich brigadnikow za bywše a přichodne generacije brigadnikow, za jich sympatizantow a scyła lubowarjow serbskeho spěwa. Wjeselimy so, zo wobsteji móžnosć sej dopomnjenki wobhladać a w knihach listować. Njewobsteji prawo na dospołnosć.
Jeli-zo tón abo tamny čitar ze wšěm spokojom njeje a druhe informacije ma, tak wjeselimy so nad kóždym pokiwom!

Wjele wjesela při listowanju!

Šulerjo a šulerki, kotřiž su na tutych knihach dźěłali:

Baumgärtlec, Paula
Bauch, Moritz
Budar, Kito Beno
Cyžec, Madlena Philomena
Čornak, Matej
Ćemjer, Beno
Dubawic, Helena
Handrikec Marta Daria

Hančikec, Luisa Marta
Hoza, Metod
Hicka, Danko
Jurk, Milan
Kliman, Franc
Krahl, Dionys-Aron
Malink, Friedrich
Pilzec, Stella Maria

Rauerec, Anastasija
Richter, Franc
Statnik, Ionel
Statnik, Matej Feliks
Suchec, Lydija
Šnabl, Jan
Wićaz, Cajus
Žur, Filip

Projekt spěchuje so wot Załožby za serbski lud, kotraž dóstanje lětnje přiražki z dawkowych srědkow na zakładźe hospodarskich planow, wobzamknjenych wot Zwjazkoweho sejma, Krajneho sejma Braniborskeje a Sakskeho krajneho sejma.

Loading...

Loading...

1979

Loading...

Dnja 28.04. wotměwa so
30. jubilejna brigadnička w Haslowje. Swjedźensku narěč dźerži Pětr Malink.

Loading...

Loading...

Loading...

Loading...

Loading...

24.06.

Kulturna brigada wustupi na wokrjesnym festiwalu serbskeje kultury w Rakecach.

Loading...

Składnostnje 30. narodnin NDR je swjedźenske zarjadowanje šule w awli Serbskeho wučerskeho wustawa. Program wuhotuja jednotliwe rjadownje a spěwna skupina.

30 lět „nowa" Sorabija Lipsk

Na swjatočnosći w awli Serbskeho wučerskeho wustawa dźerži Dr. Hinc Nagel swjedźensku narěč.
Do programa je zapřijata spěwna skupina Serbskeje rozšěrjeneje wyšeje šule.

1980

27.03. přihotuja so na V. Festiwal serbskeje kultury. Zwučuja Jana P. Naglowu twórbu „Za Budyšinom" a wurězki z oratorija „Nalěćo" K. A. Kocora.

Achim Brankačk

01.06. skutkuje kulturna brigada we wulkim zakónčacym festiwalnym programje sobu.

106. schadźowanka

29.11. wuhotuja kulturna brigada, studentski chór, skupina
„Sprjewjan", spěwna skupina a kabaret „Sorabije", kabaretaj „Wětřikec hólcy" a „Překlepany serp" kaž tež spěwni
a instrumentalni solisća pod cyłkownym nawodom Achima Brankačka program.

1981

Kulturna brigada wuznamjeni so jako „Wurjadny ludowuměłski kolektiw".