Digitalna wersija chroniki 1. serbskeje kulturneje brigady wot 1949 do 1958.

Chronika brigady 1949-1958

Tu někotre wurězki z chroniki brigady (za tych, kotrymž ćežko padnje, pismo čitać)

05.04.1949 Kulturne wobrubenje hłowneje zhromadźizny Domowiny w Króni. 19.04.1949 Brigada wustupi w Slepom. 23.04.1949 Tež tu njezawoła naša Domowinska skupina ludźi wo dosahacej ličbje zwjesć. Dospołnje je při přihotach a propagandźe zaprajiwa SNM skupina. 24.04.1949 Na dnju 3. róčnicy SED ma brigada swjedźenski program w Budyskej „Króni“ a w „Ludowym domje“ před dohromady 1500 ludźimi. 24.04.1949 Program wospjetuje brigada na samsnym dnju w Bukecach. 30.04.1949 W Drježdźanach wustupi brigada w domje krajneho knježerstwa před Ministerstwom za ludowe kubłanje.

II. němski sportowy swjedźeń&nbsp; w Lipsku. We wobłuku zahajenskeho programa wustupi brigada ze samostatnym dźělom. „... Tutón dźeń mějachmy w Lipsku&nbsp; w „Kulturnym parku Clara Zetkin" spěwać. Tež na tutym dnju do wustupa so dešćowaše, a jako nastupichmy, bu zaso rjane wjedro. Běše wosebje ćežko, ludźi wabić za serbski program, dokelž bě w bliskosći parka „Pferderennen" a wubědźowanje na čołmach. Tohodla wuchodźowachmy so (ći, kiž běchu w serbskej narodnej drasće) w parku a skedźbnichmy tak ludźi na wustup. To měješe wuspěch. Bórze běchmy sebi publikum nawabili a móžachmy započeć. Program so derje poradźi. Wosebje jara přikleskowachu přihladowarjo&nbsp;našej rejwarskej skupinje a jeje poskićenjam: „Frejta", „Swit", „Młyn" a „Stup dale". W Lipsku měješe rejwanska skupina mjenujcy slepjansku, wojerowsku, katolsku a delnjoserbsku narodnu drastu. ... Cyłkownje so wustup - předposledni za abiturientow kulturneje brigady - derje poradźi." „5.8.1956 je čorna njedźela za abiturientow brigady Serbskeje wyšeje šule z Budyšina. Sprěnja je to posledni dźeń, kiž přebywamy w Lipsku. Zdruha je to posledni wustup za abiturientow. Tajki posledni wustup z kulturnej brigadu je zawěsće kóždolětnje za abiturientow-čłonow zrudny wustup. Kóždy je tola po 4-lětnej dźěławosći w kulturnej brigadźe tak kruće z njej zwjazany, zo je jemu woprawdźe ćežko, so wot njeje dźělić. Tak bě to tež lětsa. Naš třěći wustup w Lipsku... bě najrjeńši. Běše rjane wjedro a jara wjele ludźi. To nas jara zwjeseli a zahori. Tak so tež sta, zo srjedź programa scyła tak jara na to njemyslachmy, zo je to posledni wustup. Ale na kóncu programa počinachmy ličić: předposledni spěw, posledni a kónc! Kónc zhromadneho dźěła a kónc zhromadnych njezapomnitych dožiwjenjow ze serbskej kulturnej brigadu. ... Běše to wulkotne zakónčenje našeje 4-lětneje dźěławosće ... nowi čłonojo přewozmu naš nadawk, skutkować jako reprezentanća rjaneje serbskeje kultury. Myslu, zo jednam w mjenje abiturientow-čłonow&nbsp; serbskeje kulturneje brigady, hdyž přeju 1. serbskej kulturnej brigadźe a jeje načolnikej, knjezej Achimej Brankačkej&nbsp;dalše rjane wuspěchi a dožiwjenja połnu, płódnu dźěławosć...."&nbsp;&nbsp;&nbsp;

Załoženje 1. serbskeje kulturneje brigady

Dnja 25.01.1949 załoži so 1. serbska kulturna brigada. Prěnja přiležnosć, hdźež wustupowachu, běše ptačokwasny program w Bydyšinje. Handrij Cyž bě prěni dirigent brigady.

25.05. - 30.05.1950 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 																				Kulturna brigada wobdźěli so we wobłuku cyłosakskeje skupiny na zjězdźe młodźiny w Berlinje. Domojjězba wjedźe přez Choćebuz, Lipsk a Kamjenicu, hdźež wuhotuja so zhromadne manifestacije.

28.05.1950 „Dźensa bě zeschadźał skóńčnje tón dźeń, na kotrymž budźa 500.000 młodostnych wuznać wolu za měr, jednotu Němskeje a přećelstwo mjez narodami. 8.00 hodźin započinaše so hoberska demostracija. My jako kulturna skupina so na njej njewobdźilichmy, dokelž dyrbjachmy naše mocy za wustupy lutować. W njeskónčnych kolonach pochodźowaše tu młodźina nimo, kotraž je přichod Němskeje Demokratiskeje Republiki.“ Tak pisaše sobustawka 1. serbskeje kulturneje brigady.

Předsydstwo 1. serbskeje kulturneje brigady w róžowniku 2024

75 lět skutkowanje 1. serbskeje kulturneje brigady zjimane jako digitalny knižny poskitk – to bě zaměr šulerkow a šulerjow 9. lětnika pod nawodom rjadowniskeje wučerki Juliany Rječkec. Nastali su wosom jednotliwe knihi, dźělene do časowych wotrězkow. W předpolu bě trěbne časowe dokumenty w formje fotow, tekstow a widejow rjadować a digitalizować. Wulka pomoc bě při tym studio Lucija pod nawodom Michała Cyža. Skónčnje bě tak daloko. Šulerjam steješe chronika z ryzy&nbsp;faktami skutkowanja a wulka syła časowych dokumentow k dispoziciji. Za šulerjow steješe nětko naročny nadawk, z wulkeje ličby datow najwažniše a najzajimawše podawki wupytać, do knihow splesć a je wuhotować. Bě to za 15lětnych jězba do zańdźenosće. Husto so za wosobinami abo skrótšenkami organizacijow a městnosćow prašachu. Amizěrowachu so nad čorno – běłymi wobrazami zažnych lět, kaž nad fotami z nowšeho časa, na kotrychž toho abo tamneho přećela abo swójbneho spóznachu. Kóžda jednotliwa kniha ma druhi rukopis, kotryž wuhotowar Štefan Hanuš jako zakład za dalše wobdźěłanje wužiwaše. Narok njebě tón, perfektnu knihu wuhotować, ale šulerjo dóstachu składnosć so we wuhotowanju pospytać. Wšitcy nałožowachu wjele prócy a pokazachu angažement. Tójšto šulerjow rjadownje spěwa tohorunja w chórje 1. serbskej kulturneje brigady sobu. Tak su nastali knihi nětčišich brigadnikow za bywše a přichodne generacije brigadnikow, za jich sympatizantow a scyła lubowarjow serbskeho spěwa. Wjeselimy so, zo wobsteji móžnosć sej dopomnjenki wobhladać a w knihach listować. Njewobsteji prawo na dospołnosć. Jeli-zo tón abo tamny čitar ze wšěm spokojom njeje a druhe informacije ma, tak wjeselimy so nad kóždym pokiwom! Wjele wjesela při listowanju!

27.03.1955 Na wubědźowanju kulturnych skupin na III. zwjazkowym kongresu Domowiny wubědźi sej brigada za kulturnej brigadu z Choćebuza 2. městno.&nbsp;&nbsp; 21.05. - 22.05.1955 II. sportowy a kulturny swjedźeń župy „Jan Skala“ w Choćebuzu skónči so w hosćencu „Měšćanske žurle“ z kulturnym programom wšitkich wobdźělenych kubłanišćow. Hižo sobotu wječor wustupi brigada w Žylowje. Tež tu so „Kokulinka“, „Hanka, buź wjasoła“ a „Ach moja gola“ wosebje lubjachu. 27.06.1955 Při składnosći 750-lětneho wobstaća města Žitawy wustupi kulturna brigada jara wuspěšnje na Augusta Beblowym naměsće. Popołdnjo wužiwaše za pućowanje na Oybin. 29.11.1955 Delegacija Najwyšeho sowjeta wopyta stare město Budyšin a w tym zwisku Serbsku wyšu šulu. Brigada poskići hosćom&nbsp;powitanski program.

25.01.1951 Kulturna brigada wuhotuje Ptači kwas w hotelu „Město Budyšin“. K prěnjemu razej wobrubi program nowy orchester brigady, a rejwanska skupina předstaji dwě nowej reji. Po zapiskach w chrónice je Jan Bulank brigadu dirigował.

https://api.bookcreator.com/users/v2/mOjzD1Yfd94JDT2XvAomKP8_zxcQ29FpZgU_f-SJWqmdr9R4OZ6TcA/books/k82QXFN4Sy-hs9tmiSz-gw/assets/Y3xvOCTsSrimGexH0PevPQ.jpeg?width=1129&height=733

08.07. - 10.07.1950 Na zjězdźe Serbow w Budyšinje wustupi&nbsp; brigada z nowym programom w dospołnje wupředatej „Krónje“. Program wobsteji hłownje z kompozicijow Jurja Winarja. Koncert žnjeje wulke připóznaće, tež solistka Leńka Winarjec a solist Beno Šram. Akordeonowy orchester ma swoju premjeru. Na zjězdźe wobdźěli so prezident NDR Wilhelm Pieck. Brigada wita jeho na naměsće Čerwjeneje armeje z rěčnym chórom „Hammer-Amboss“. Popołdnju je brigada zastupjena we wulkoprogramje na „Młynkec łuce".

07.07. - 08.07.1956 2. wšoserbski zjězd w Budyšinje. Brigada koncertuje z dwu- hodźinskim programom před prošenymi hosćemi w hotelu „Město Budyšin“.

20.01.1958 Mały chór, orchester a rejwanska skupina wuhotuja zhromadnje z „Meju“ ptači kwas w Krakecach. Po programje zahraje orchester k rejam. 23.03.1958 Brigada wobrubi šulsku swjatočnosć k česći 10. róčnicy Serbskeho zakonja. 26.06. - 27.06.1958 Brigada ma tři wustupy na ratarskej wustajeńcy w Markkleebergu před něhdźe 2500 přihladowarjemi.

03.01.1951 We wulkoprogramje a ze swójskim podźělom wustupi brigada na swjatočnosći k česći 75. narodnin Wilhelma Piecka.

Šulerjo a šulerki, kotřiž su na tutych knihach dźěłali:

Baumgärtlec, Paula Bauch, Moritz Budar, Kito Beno Cyžec, Madlena Philomena Čornak, Matej Ćemjer, Beno Dubawic, Helena Handrikec Marta Daria

Hančikec, Luisa Marta Hoza, Metod Hicka, Danko Jurk, Milan Kliman, Franc Krahl, Dionys-Aron Malink, Friedrich Pilzec, Stella Maria

Rauerec, Anastasija Richter, Franc Statnik, Ionel Statnik, Matej Feliks Suchec, Lydija Šnabl, Jan Wićaz, Cajus Žur, Filip

Projekt spěchuje so wot Załožby za serbski lud, kotraž dóstanje lětnje přiražki z dawkowych srědkow na zakładźe hospodarskich planow, wobzamknjenych wot Zwjazkoweho sejma, Krajneho sejma Braniborskeje a Sakskeho krajneho sejma.

22.02.1954 Brigada wustupi w Kamjencu před ludowej policiju. 01.05.1954 Brigada wustupi před Pirnjanskimi dźěławymi. Dopołdnja wuleći sej do Sakskeje Šwicy, popołdnju a wječor poskići program mnoho tysac ludźom.&nbsp; 04.06.1954 Brigada wobdźěli so na II. zjězdźe němskeje młodźiny w Berlinje. 26.06. - 28.06.1954 Na přeprošenje města Gräfenhainichen wobdźěli so brigada na jubilejnym swjedźenju „500 lět spožčenja měsćanskich prawow“. 21.08. - 23.08.1954 Jubilejna schadźowanka w Kulowje. 29.12.1954 Na delegatnej konferency župy „Wysoke šulstwo Jan Skala“&nbsp;wuhotuje brigada z druhimi chórami wječorny program.

19.02.1953 Hłowna zhromadźizna kulturneje brigady. Na njej woteda Handrij Cyž nawod brigady, dokelž woteńdźe ze šule. Wón rysuje w zawodnych słowach załoženje a wuwiće brigady, po tym diskutuja so směrnicy a nadawki do přichoda. Brigadu přewza wučer Achim Brankačk. Do wjednistwa wuzwolištaj so wučerjej Jan Bart a Pětr Malink.

Dźeń „němskeho-čěskeho přećelstwa“

30.07.1950 Brigada wobdźěli so na přeprošenje FDGB&nbsp; města Plauen na „Dnju němsko - čěskeho přećelstwa“ a wustupi tam z čěsko-serbsko-němskim programom.

Brigada měješe přez cyłe lěto zaso wustupy, kaž na přikład 02.03. w Freiburgu.

17.03.1957 W Nowej dobje wozjewi so, zo je rejwanska skupina z orchestrom wokrjesny mišter we wubědźowanju za młodźinski festiwal.

10.02.1957 Wubědźowanje kulturnych skupin wokrjesa w Koporniku wo zajězd na IV. festiwal młodźiny do Moskwy.

26.10.1949 Brigada wobrubi w Budyšinje swjatočnosć k załoženju NDR. 05.11.1949 Wustupichmy w Ottendorfje z nowym programom w krajnostronskej šuli SED „Fritz Teckert“. 12.11.1949 Wobrubichmy wokrjesnu konferencu strony SED w Budyšinje. 26.11.1949 Při składnosći wotewrjenja kulturneho domu MAS w Sulšecach wuhotuje brigada wječorny program. 19.12.1949 Brigada wustupi před přistajenymi wokrjesneho zarjada w Lubiju. 20.12.1949 Na swjatočnosći k narodninam Stalina wustupi brigada před přistajenymi wokrjesneho zarjada w Budyšinje.

08.05.1949 We wobłuku přihotow wólbow do 3. Němskeho ludoweho kongresa rěči Wilhelm Koenen, předsyda wustawoweho wuběrka w Sakskim krajnym sejmje, w Budyskej „Króni". Brigada wobrubi zarjadowanje. 10.05.1949 Brigada spěwa a agituje před towaršemi Ludoweje policije. 14.05.1949 Při składnosći ludowych wólbow wustupi brigada na sportnišću „Młynkec łuka“ w Budyšinje před 3000 ludźimi. 04.06. - 05.06.1949 Brigada wobdźěli so na 3. parlamenće SNM w Lipsku a wustupi pod hołym njebjom. 13.08.1949 Na schadźowance w Chrósćicach ma brigada hłowny kulturny program.

Brigada wuhotuje kulturny wječork w Kulowje. „...Bohužel pak je mało wopytowarjow. Němska FDJ přez špatne zadźerženje wjace króć myli naš program. Při zastupje do našeho omnibusa dyrbjachmy so samo přeswědčić wo tym, zo běchu nam dwě woknje rozbili..."

Na swjatočnosći k narodninam Stalina wustupi brigada před přistajenymi wokrjesneho zarjada w Budyšinje. Ze zapiskow&nbsp;wuchadźa, zo spěwachu so hłownje serbske a dalše słowjanske ludowe spěwy kaž tež młodźinsko-propagandistiske spěwy tehdyšeho časa, kotrež tworjachu sej brigadnicy husto sami, abo spěwy na teksty Jurja Brězana, zhudźbnjene wot Jurja Winarja. W chrónice su 1950 na wšelakich městnach naspomnjene: „Heut ist ein wunderschöner Tag", „Jónu smy so zjebać dali", „Dźeń jasny swita", „Spěw swětoweje młodźiny", „Wulkeho Słowjanow&nbsp; splaha", „Hymna na město Budyšin" „Jako je to heske", „Dźeń jasny", „Kołokolčik", „Běži woda", „Swět budźe rjeńši z kóždym dnjom", „Diese Zeit braucht deine Hände", „Waršawjanka", „Guljal Uralu",„Široka strona", „Pjesnja o Stalinje", „Montaža". &nbsp; Za „Reju radosće", kotruž zestaja Pětr Malink, spisa Jan Bulank hudźbu (wobaj w tutym času brigadnikaj). Jan Bulank so takle wupraji: „Za brigadu sym komponował, dokelž nam často falowachu wjesołe młodźinske, ale tež nowočasne serbske spěwy. Teksty wobstarachu mi šulerjo, kotřiž so w basnjenju pospytachu. Hdyž widźach, zo moji towaršojo spěwy, kotrež běchu z kolektiwa nastali, wosebje zahoriće spěwachu, to so radowach. Tole mje ke chutnišemu dźěłu pohonjowaše a dyrbju rjec, zo mje brigada pohnu, hudźbu studować. Mi je brigada telko dała, zo so mi po złoženju maturity z tutym kolektiwom rozžohnować nochcyše."&nbsp; (Achim Brankačk w SŠ / 57, str. 455)&nbsp;&nbsp;&nbsp;&nbsp;

13.09.1950 Brigada wotjědźe na wočerstwjenje a zwučowanje k morju. Ducy do Zinnowitz wuhotuje&nbsp; w Choćebuzu, Mosće a Ochozach koncert, hdźež wotměwa so tydźeń serbskeje kultury.

75. narodniny „našeho prezidenta" Wilhelma Piecka

27.12.1950 Brigada wotjědźe do Berlina, zo by swjatočnosće k česći 75. narodnin Wilhelma Piecka sobu wuhotowała. Zaměstnjena je w dobrym hotelu. Wot 28.12. sem zwučuje zhromadnje z druhimi chórami za wulkoprogram w Seelenbinderowej hali cyklus spěwow&nbsp; „Montaža“ a swójski serbski program.&nbsp;

Name

Safari may block some audio or video from playing automatically and ‘read to me’ will skip these. You can configure this in Safari’s preferences.