բոտուլիզմ

Ի՞նչ է բուտուլիզմը

· Բոտուլիզմ սննդային ծանր, պոտենցիալ մահացու, բայց համեմատաբար հազվագյուտ հիվանդություն է։

· Սովորաբար առաջանում է աղտոտված սննդի մեջ առաջացած բարձր ակտիվ նեյրոտոքսինների ՝ բոտուլինային տոքսինների օգտագործման արդյունքում:

Ի՞նչն է հիվանդության պատճառը

Բոտուլինային տոքսինները օրգանիզմ են մտնում վատ վերամշակված մթերքների օգտագործման արդյունքում, որոնցում մանրէներ/սպորներ են գոյատևում և տոքսիններ արտադրում:
Մարդու բոտուլիզմի հիմնական պատճառը սննդային թունավորումն է, բայց դա կարող է առաջանալ նորածինների աղիքային ինֆեկցիաների, վերքերի ինֆեկցիաների և ինհալացիաից:

Ի՞նչ է տեղի ունենում օրգանիզմի, օրգանների, բջիջների հետ հիվանդանալու դեպքում

Բոտուլինային տոքսինը, մտնելով մարդու օրգանիզմ, արգելափակում է նյարդային ազդակների փոխանցումը: Վարակված անձը հաճախ կորցնում է մկանների վերահսկողությունը: Կաթվածը զարգանում է, երբ թունավոր նյութը մտնում է նյարդային համակարգ և խափանում է ազդանշանային ազդանշանը:

Ինչպիսի՞ ազդեցություն ունի հիվանդությունը մարդու կյանքի որակի, կյանքի տևողության վրա

Բուտուլիզմը շատ վտանգավոր է կյանքի համար,այն հանգեցնում է մահվան՝շնչառական անբավարարությունից: Անցած 50 տարիների ընթացքում բոտուլիզմից մահացության մակարդակը զգալիորեն ընկել է: Ցավոք, ծանր բոտուլիզմով հիվանդին գոյատևելու համար պահանջվում է ոչ միայն օդափոխման համար շնչառական ապարատ, այլ նաև ինտենսիվ բժշկական խնամք:

Որո՞նք են հիվանդության ախտանշանները

Սննդամթերքի բոտուլիզմի հիմնական ախտանշանները։

·      Սրտխառնոց
·      Փսխում
·      Որովայնի ցավեր
·      Բերանի չորություն
·      Կուլ տալու և խոսելու դժվարություն
·      Դեմքի թուլություն
·      Կոպերի անկում
·      Տեսողության պղտորություն
·      Շնչառության դժվարություն
·      Կաթված

Նորածինների բոտուլիզմի հիմնական ախտանշանները։

Նորածինների բոտուլիզմը զարգանում է, երբ վտանգավոր մանրէի սպորները մտնում են աղիքներ ու բողբոջում ՝ առաջացնելով տոքսին: Սա բոտուլիզմի ամենատարածված ձևն է և առավել հաճախ հանդիպում է 6 շաբաթից 6 ամսական երեխաների մոտ: Այս հիվանդության ինկուբացիոն շրջանը կարող է տեւել 3-30 օր:

Նորածինների բոտուլիզմի ախտանիշները ներառում են

·     Փորկապություն (առաջին նշանը)
·     Ծծելու և կուլ տալու դժվարություն
·     Ավելորդ թուք
· Մկանների թուլության պատճառով դանդաղ շարժում
·     Կոպերի անկում
·     Գլխի թույլ հսկողություն
·     Թույլ լաց
·     Դյուրագրգռություն
·     Հոգնածություն
·     Կաթված:

Ի՞նչ հետազոտություններ են իրականացվում:

Հետազոտողները պարզել են մի միացություն, որն խանգարում է բոտուլինային նեյրոթոքսինին ՝ առավել հայտնի թունավոր միացությանը: Այդ զսպող միացությունը ՝ նիտրոֆենիլ պսորալենը կարող է օգտագործվել որպես բուժում ՝ բոտուլիզմով պայմանավորված կաթվածը նվազեցնելու համար:

NPP

Ինչպե՞ս կարելի է կանխարգելել տվյալ հիվանդությունը:

Առաջնահերթ կանխարգելումը ճիշտ սննդի պատրաստումն է:

Բակտերիայի վեգետատիվ ձևը ոչնչանում է տաքացման ժամանակ ի տարբերություն սպորի, որը կայուն է բարձր ջերմաստիճանի նկատմամբ։ Դա հնարավորություն է տալիս աճել և կրկին արտադրել թույն նորմալ պայմաններում։

Թույնը ոչնչանում է 85 °C ջերմաստիճանային պայմաններում 5 րոպե եռացնելիս: Բուժումը կատարվում է հակաբոտուլինային շիճուկների միջոցով, որը օգտագործվում է բոտուլոտոքսինի չեզոքացման նպատակով:

Հիգիենայի պարզ պրակտիկայի պահպանումը կնվազեցնի վնասակար բակտերիաների վարակման ռիսկը:

Մինչև 12 ամսեկան երեխաներին արգելվում է մեղրի օգտագործումը, քանի որ մեղրը պարունակում է բոտուլինումի սպորներ։

Պահածոները պետք է եփվեն 120 ° C- ից ոչ ցածր ջերմաստիճանում 20–100 րոպե:

12 ամսեկանից մեծ երեխաները և մեծահասակները ունեն նորմալ աղիքային ֆլորա, որը ճնշում է բոտուլինումի սպորներին: