விஜயும் அமீரும் ஒரு ஊரில் வசித்து வந்தனர். விஜய் நன்றாகப் பேசுவான். அவனுக்கு நிறைய நண்பர்கள் இருந்தனர்.

அமீருக்கு விஜய் போன்று நிறைய நண்பர்கள் வேண்டும் என்று ஆசை இருந்தது. அதனால் எல்லா நண்பர்களிடமும் தேடிச் சென்று பேசுவான்.

விஜய் நிறைய விளையாட்டுப் பொருட்கள் வைத்திருந்தான். அதை அனைவரிடமும் காட்டி மகிழ்வான். அதனால் அவன் வீட்டில் நிறைய நண்பர்கள் பட்டாளம் இருந்தது.

அமீர் அவனது பெற்றோரிடம் தனக்கு நண்பர்கள் அதிகம் இல்லை என்று சொல்லி வருத்தப்பட்டான். பெற்றோர், இதற்காக கவலைப் பட வேண்டாம் என்று ஆறுதல் கூறினர்.

Loading...

அமீரின் தந்தை அமீருக்கு நல்ல புத்தகங்களை வாங்கிக் கொடுத்தார். புத்தகங்கள் தான் உன்னுடைய நல்ல நண்பர்கள் என்று கூறி அவனுடன் சேர்ந்து புத்தகங்கள் வாசித்தார்.

Loading...

அமீரின் தாய் அமீருக்குப் பிடித்த உணவுகளை செய்து கொடுத்தார். வார இறுதி நாட்களில் அமீரை அவனது பெற்றோர்கள் அருங்காட்சியகம் அழைத்துச் சென்றனர்.

அமீரின் தாய் அவனுக்கு தன்னார்வ தொண்டு செய்ய கற்றுக் கொடுத்தார். அமீரும் புத்தகங்கள் படித்தும், தன்னார்வ தொண்டு செய்தும் தனது நேரத்தை பயனுள்ளதாகக் கழித்தான்.

அமீர் நூலகத்திலும் விளையாட்டிலும் ஆர்வம் காட்ட துவங்கினான். பள்ளியில் நல்ல பெயர் வாங்கினான்.

நாட்கள் ஓடின...
இருந்தும் அமீருக்கு தனக்கு நிறைய நண்பர்கள் இல்லை என்ற சிறிய வருத்தம் இருக்கத்தான் செய்தது.

ஒரு நாள் பள்ளியில் விஜய் மெதுவாக புத்தகங்களை எடுத்து வருவதை பார்த்தான். விஜயிடம் சென்று என்ன ஆயிற்று என்று கேட்டான்.