Skip to book content
Book Creator
Rieban ja Njoammil murjeba
by Marit B. Henriksen
Pages 4 and 5 of 16
Rieban ja Njoammil murjeba
Teaksta, govat ja hábmen: Marit B. Henriksen
Ráhkaduvvon BookCreatoriin
Rieban ja Njoammil leaba buoremus olbmážagat.
Soai álo stoahkaba ja bargaba ovttas.
Dál lea čakča, ja olgun leat čáppa čakča-ivnnit. Rieban ja Njoammil áiguba murjet odne.
Dá oainnát Riebana ja Njoammila muorjemeahcis.
Loading...
Njoammil gávdná joŋaid. Son čájeha daid Riebanii. Joŋain lea fiinna rukses ivdni.
Njoammil ja Rieban borraba joŋaid. Oba njálgga muorjjit!
Soai doapmaba čoaggit. Fargga leaba deavdán jokŋalihti.
Loading...
Gea dá, čuorvu Rieban. Dá leat čáhppesmuorjjit!
Gos dat leat, jearrá Njoammil. Leat go diet čáppa čáhppes muorjjit?
Mmm, oba njálggat, lohká Rieban. Son borrá čáhppesmurjjiid. Njoammil maid máistá.
Soai čoaggiba ollu čáhppesmurjjiid.
Fargga leaba deavdán nuppi muorjelihti maid.
Rieban ja Njoammil leaba nu viššalat!
Soai leaba čoaggán sihke joŋaid ja čáhppesmurjjiid.
Jáhkát go don ahte Rieban ja Njoammil nagodeaba guoddit muorjelihtiid ruoktut?
Soai lokteba lihti.
VUOI! Mo de manná? Soai gahččaba, ja muorjelihtti gopmana!
Njoammil čierru. Oba váivi. Dál eai leat šat čáhppesmuorjjit.
Rieban jeđđe Njoammila.
Ii daga maidege, dadjá Rieban. Moai sihkkarit gávdne eanet čáhppesmurjjiid.