ჭკვიანი ბოცო

ჭკვიანი ბოცო

გათენდა. ბოცომ თვალები გაახილა. გაიზმორა, წამოხტა და ფანჯრიდან გაიხედა.
ბოცომ სოროსთან სადილის ნარჩენები დაინახა.
- ტყეში სტუმრები ყოფილან, - გაიფიქრა მან.

ბოცო სოროდან გამოვიდა. ნარჩენებთან მიირბინა. ბანანის ქერქი ამოარჩია და შეჭამა.

ამ დროს სოროდან დედამ გამოიხედა.
-ბოცო, საუზმის დროა, - დაიძახა დედამ.

ბოცომ გემრიელად ისაუზმა. საუზმის შემდეგ კი სკოლაში წავიდა.
გაკვეთილზე ვერ მოისვენა, ხან წყალი მოითხოვა, ხან - საჭირო ოთახში გასვლა.

ბოცოს მუცელი ასტკივდა.
მასწავლებელმა სასწრაფო დახმარება გამოიძახა.
ბოცო სწრაფად გააქანეს საავადმყოფოში.

ექიმმა ბოცო გასინჯა და ეშმაკურად ჩაიცინა:
-დედამ ხომ გაგფრთხილა, ნარჩენები არ შეჭამოო.
ექიმმა ბოცოს წამლები გამოუწერა და შინ გაუშვა.

ბოცომ ორი დღე შინ გაატარა.
ძალიან მოენატრა სკოლა და მეგობრები.
ორი დღის შემდეგ ბოცო სკოლაში წავიდა.