Canllaw i rieni a disgyblion

Dydyn nhw ddim yn cael mynd mas i’r iard neu i’r goedwig i chwarae.

Yn sicr – mae angen trio gweithio a chwblhau gwaith ysgol Yn sicr – mae angen ceisio dilyn rhyw fath o drefn ac amserlen Yn sicr - mae angen ceisio darllen Yn sicr – mae angen diffodd yr Xbox neu’r Playstation.. Ond yn sicr mae angen bod yn garedig i’n hunain hefyd a pheidio beirniadu ein hun os yw tasgau yn cymryd mwy o amser, cymhelliant ac ymdrech nac o’r blaen.

Mewn gwers yn yr ysgol, yn aml iawn fe fyddai’r disgyblion yn cael tasg gychwynnol i ennyn eu diddordeb, yn adalw gwybodaeth drwy gwestiynau’r athro, yn defnyddio adnoddau TGCh, yn defnyddio byrddau gwyn bach, yn trafod gyda chyd-ddisgyblion, yn gwrando a dysgu gan eraill.

Nid oes disgwyl felly eu bod yn gallu gweithio’n annibynnol a thawel am 5 awr, gwers ar ôl gwers.  

Fodd bynnag…. • Mae rhai disgyblion wrth eu bodd yn derbyn tasgau • Mae’r holl waith yn ben tost llwyr i eraill • Mae’r gwaith yn teimlo’n hawdd i rai disgyblion sy’n hedfan drwy’r tasgau ac yn gorffen popeth chwap • Mae’r gwaith yn heriol iawn i eraill.

Rydym yn gwneud ein gorau glas i gynnal naws garedig, deuluol a chefnogol Ysgol Gyfun Gymraeg Bro Myrddin.

Mwy na thebyg bod pethau yn cymryd mwy o amser adref. Bydd angen llawer o anogaeth ar eich plentyn i gwblhau tasgau heb gymorth athro na ffrind.

Mae’r holl strategaethau hyn yn cefnogi a hwyluso’r dysgu. Dyma’r ffordd mae eich plentyn wedi arfer dysgu. Mae hyn yn gwbl wahanol i weithio gartref yn annibynnol. Mae’n amhosibl ail greu’r profiad o fod mewn gwers yn yr ysgol i’r disgyblion ar y we.

Hoffwn bwysleisio ein bod yn deall y pwysau sydd arnoch chi rieni a theuluoedd. Yn sicr, dyma gyfnod heriol ac anghyffredin iawn i ni gyd. Nid oes unrhyw un ohonom wedi gweithio mewn sefyllfa o’r fath o’r blaen ac yn sicr mae’n broses o ddysgu cyflym i ni gyd.

Llongyfarchiadau.  Rydych chi newydd oroesi eich seithfed wythnos o ‘lockdown.’  

Cofiwch bod yr athrawon yn ceisio gosod tasgau yn ddyddiol i’ch plant, ond nid yw hynny bob amser yn bosibl ac nid oes disgwyl bod pob plentyn yn cwblhau pob darn o waith.

Dydyn nhw ddim yn cael anogaeth na stŵr gan athro.

Rwyf eisoes wedi dweud wrtho chi fel rhieni – nid oes disgwyl i chi ail-greu Ysgol Gyfun Gymraeg Bro Myrddin ar fwrdd eich cegin! Mae bywyd ‘ysgol’ eich plentyn wedi newid yn llwyr.

Dydyn nhw ddim yn gallu siarad gyda’i ffrind rhwng gwersi bellach.

Rydym ni fel staff yn falch iawn o’n disgyblion a’r ymdrech sydd wedi ei wneud gan bawb hyd yn hyn. Rydym yn gofyn i’n disgyblion i wneud dau beth pwysig: 1. Cadw eu hunain a’u teuluoedd yn ddiogel 2. Gwneud eu gorau glas a pheidio poeni.

Yn yr ysgol mae popeth yn gweithio ar amserlen ac mae yna ffiniau amser penodol ar gyfer pob tasg. Mae tempo bywyd yn gyffredinol wedi newid yn yr hyn maent yn galw yn ‘normal’ newydd, a rhaid i ni fel athrawon ac i chithau fel rhieni i gofio hynny wrth roi disgwyliadau ar y disgyblion o ran gwaith.

Deg ‘top tip’ yr ysgol i ofalu am eich iechyd meddwl chi fel teulu: • Cysylltwch â phobl • Rhannwch eich teimladau • Penderfynwch ar drefn eich diwrnod • Bwytewch yn dda • Yfwch digon o ddŵr • Ceisiwch gadw’n weithgar • Gwnewch y gorau o olau haul ac awyr iach • Cadwch yn actif gydag ymarfer corff • Byddwch yn ofalus gyda pha newyddion a gwybodaeth rydych chi’n talu sylw iddo • Ymlaciwch

O ran gwaith ysgol ar Google mae’n rhaid i’r disgyblion gofio: • Rydyn ni’n dal yma • Os oes problem, rhaid holi • Os nad ydynt yn deall, rhaid gofyn • Os ydynt yn moyn mwy o amser i orffen tasg mae angen iddynt roi sylwad i’r athro – ni fydd neb yn grac • Gofynnwch i ffrind am help

Dydyn nhw ddim yn dysgu trwy drafod a chyd-weithio.

Hoffem bwysleisio y dylech annog eich plentyn i geisio mynd ati i gwblhau’r gwaith. Ond ar yr un pryd, hoffem bwysleisio na ddylai plentyn boeni yn ormodol am waith. Rydym yn deall y sefyllfa, rydym yn deall bod pawb yn gwneud eu gorau – ac mae hynny’n ddigon i ni.

Dydyn nhw ddim yn gallu gofyn am gymorth yn yr un ffordd.

Yr unig beth y gallwn ni ei wneud fel ysgol yw gwneud ein gorau a pharhau i osod gwaith synhwyrol, addas o ran her a realistig o ran ein disgwyliadau.

Mae disgyblion yn gweithio trwy Google Classrooms, mae’r athrawon yn brysur yn creu tasgau ac yn asesu gwaith, rydym yn cysylltu gyda’r disgyblion sydd angen cefnogaeth, wedi cael sgwrs fer gyda phob disgybl ac rydym yn ceisio codi calonnau trwy negeseuon dyddiol a thrwy ein gwefannau cymdeithasol. 

Mae gosod y swmp perffaith o waith i bawb yn amhosibl. Rydym yn gwneud ein gorau i gadw rhyw fath o drefn neu normalrwydd drwy’r gwaith a’r gefnogaeth sydd ar Google Classroom.

Name

Safari may block some audio or video from playing automatically and ‘read to me’ will skip these. You can configure this in Safari’s preferences.