ლექსები გაზაფხულზე

ლექსები
ყვავილებზე

აი ია

აი ია, აი, ია
რა ლამაზი ყვავილია,
მინდორშიაც, ბაღჩაშიაც,
ჩემს წიგნებშიც ყვავის ია!
სადაც თვალით შემიხედავს,
სადაც ფეხით გამივლია,
ყველგან ვნახე და ყველგან ვთქვი:
- აი ია, აი, ია!
ია თურმე დედის ცრემლზე
ამოსული ყვავილია.
გიორგი წერეთელი

გვირილები

გათენდაო, გვირილებმაც
გაახილეს თვალი,
მინდვრის გასწვრივ ყვავილებს
კვლავ უბრწყინავს ცვარი.

ტყეში ტკბილად ჩურჩულებენ
ნარგიზი და შროშანი;
დასტრიალებს მუდამ მზე
სიხარულის მომტანი.

ლუარა ჭანტურია

ენძელა

შემომხედეთ თეთრ კაბაში
მოვიწონო მინდა თავი.
მე პატარა ენძელა ვარ
გაზაფხულის პატარძალი.
გაიღვიძეთ ყვავილებო-
თოვლი დნება ნება-ნება.
ჩვენს ქვეყანას მივულოცოთ
გაზაფხულის მობრძანება.

ხათუნა გულიაშვილი

ყაყაჩო

ფავორიტებში დამატება
ყაყაჩო ვარ მოცქრიალე,
ქარში ლაღად მოფრიალე!
მშვენიერი არ ვარ განა?-
გაზაფხულმა მომიყვანა!
მზე სხივებით მომეფერა,
კოხტა კაბა შემიკერა,
გაახილა ცხრავე თვალი,
დამამაშვენა შავი ხალით.
ველ-მინდვრებმა შემიყვარეს,
მდელოებმა შემიფარეს,
გზებზე წითლად ავფრიალდი,
ყანებშიც კი ავბრიალდი.
სიომ ქება დამაწია:
-რა კოხტა, რა ლამაზია!
პატარებო, გიკვირთ განა?
გაზაფხულმა მიმიყვანა!

ნესტან კუპრავა