Nú býr Lili á Íslandi

Sofðu unga ástin mín, úti regnið grætur. Mamma geymir gullin þín, gamla leggi og völuskrín. Við skulum ekki vaka um dimmar nætur. Lili steinsofnar en mamma heldur áfram að syngja: Það er margt sem myrkrið veit, minn er hugur þungur. Oft ég svarta sandinn leit, svíða grænan engireit. Í jöklinum hljóða dauðadjúpar sprungur. Sofðu lengi, sofðu rótt, seint mun best að vakna. Mæðan kenna mun þér fljótt, meðan hallar degi skjótt. Að mennirnir elska, missa, gráta og sakna.

Þau fara alla leiðina með strætó. Á leiðinni sér Lili mörg hús, sjóinn og Esjuna. Að taka strætó er góð leið til að ferðast um Ísland. Auk þess að minnka kolefnissporið tel ég vera marga aðra kosti við að taka strætó. Fullorðið fólk er oft í kapphlaupi við tímann og telur það ekki ná ekki að sinna öllu. Ofan á það eyðir það tíma í að keyra börnin sín milli staða á einkabílnum. Hér nefni ég tvo stóra kosti við að taka strætó sem gefa meira svigrúm dagsdaglega. Fyrri kostur: Það er hægt að nýta tímann í strætó til þess að gera hluti sem ekki er hægt að gera á meðan maður keyrir. Þá meina ég hluti eins og að slaka á, njóta útsýnisins, lesa, skrifa, prjóna eða sofa. Þetta eru hlutir sem veita okkur gjarnan ánægju og vellíðan. Því er um að gera að taka strætó til þess að geta eytt meiri tíma í þessar ánægjustundir.

Seinni kostur: Börn geta tekið strætó sjálf frá og með grunnskólaaldri. Það gefur foreldrum tækifæri til að senda börnin sín ein í strætó og búa þannig til auka tíma fyrir sjálfan sig. Þetta á auðvitað best við um börn sem þurfa að ferðast lengri vegalengdir en önnur börn, til dæmis í skóla eða á æfingar. Persónulega mæli ég hins vegar mest með því að ferðast gangandi eða hjólandi. Það er án efa besti kosturinn fyrir umhverfið og heilsuna.

Næsta morgunn vaknar Lili við góða lykt. Hún fer inn í eldhús. Þar stendur mamma og steikir kleinur. Pabbi kemur inn í eldhús og hellir upp á kaffi. Fjölskyldan fær sér morgunmat saman. Í dag ætla Lili og pabbi saman í fjallgöngu. Þau ætla að ganga á Esjuna og horfa yfir Reykjavík. Mamma verður heima á meðan. Hún er ólétt og ætlar að taka því rólega í dag. Lili og pabbi klæða sig vel og setja aukaföt í bakpoka. Mamma setur poka af kleinum og brúsa af heitu kakói í bakpokann og síðan leggja þau af stað.

Kleinur: Búnar til úr brauðdeigi sem er steikt upp úr feiti. Sérstaklega ljúffengar og ekta íslenskar.

Þegar þau koma í sundlaugina fer pabbi í karlaklefann en Lili fer með mömmu í kvennaklefann. Fyrst þarf Lili að klæða sig úr fötunum og setja þau inn í skáp. Mamma læsir skápnum og geymir lykilinn. Svo fara þær í sturtu. Í sturtunni þarf Lili að þvo allan líkamann með sápu. Hún hermir eftir myndinni sem hangir á veggnum. Næst þvær Lili bumbuna á mömmu og mamma hlær. Nú erum við tilbúnar að fara út í laug, segir mamma.

Sundlaug: Laug sem er hægt að synda í. Í sundlaugum á Íslandi er vatnið heitt og notalegt. Það eru margar sundlaugar á Íslandi. Fólk fer í sund til þess að spjalla við aðra, synda, leika sér, slaka á og fleira. Hefur þú farið í sund?

Þegar allt er á kafi í snjó klæðir fjölskyldan sig í útiföt og hleypur út í garð. Í gamla daga ferðaðist fólk milli landshluta fótgangandi eða á hestum. Það gat verið gagnlegt að lýsa snjó á mismunandi vegu og þess vegna inniheldur íslenskt tungumál fjöldamörg orð yfir snjó. Hér er hlekkur á grein vísindavefsins sem útskýrir merkingu mismunandi orða yfir snjó.

<a href="https://www.visindavefur.is/svar.php?id=3068#">Orð íslendinga yfir snjó</a>

Krökkum finnst fátt skemmtilegra á veturna en þegar byrjar að snjóa. Þeim finnst einstaklega gaman að leika sér í snjónum og hann gefur þeim tækifæri til að leika sér og hreyfa sig á nýja vegu. En hvað er hægt að gera í snjónum? Hér eru nokkur dæmi, en svo er um að gera að láta hugmyndaflugið ráða. Klæðið ykkur í snjógallann og skellið ykkur út að leika.

Renna sér á sleða Búa til snjóhús Fara í snjóstríð

Búa til snjókarl eða snjókerlingu Leita að sporum eftir dýr í snjónum Búa til snjóengla og aðrar myndir í snjóin

Þessi bók er skrifuð með það í huga að vera skemmtileg og lærdómsrík, bæði fyrir börn og fullorðna. Bókin skiptist í tvo hluta. 1. Sagan um Lili ásamt orðskýringum. Orðskýringarnar hjálpa til við að auka orðaforða og gefa innsýn í íslenska menningu. 2. Ýmis fróðleikur og ábendingar fyrir foreldra. Upplýsingarnar eru skrifaðar á einföldu máli og er skipt niður eftir köflum bókarinnar. Ég hvet ykkur til að ræða saman um söguna og orðskýringarnar. Þið getið einnig nýtt ykkur upplýsingarnar til þess að gera skemmtilega hluti saman. Ég óska ykkur góðra lestrarstunda.

Lili og pabbi þurfa að taka strætó og ganga smá spöl til að komast að Esjunni. Are you ready? spyr pabbi áður en þau byrja fjallgönguna. Yes! segir Lili. Þau tala alltaf saman á ensku. Þau leggja í hann glöð og kát. Lili finnst gaman með pabba.

Þau ganga hærra og hærra og eru komin hátt upp í fjallshlíðina. Þar setjast þau niður og borða góða nestið sem mamma gerði. Þarna er húsið okkar, segir pabbi og bendir út í loftið. Þau sjá alla Reykjavík og vinka til mömmu.

Fjallganga: Þegar gengið er upp á fjall. Fjallgöngur eru vinsælar á Íslandi því þar eru mörg fjöll. Það er hollt fyrir líkamann og hugann að fara í fjallgöngu. Finnst þér gaman í fjallgöngu?

Á morgun er mánudagur og þá fer Lili aftur í skólann. Hún hlakkar til að sýna kennaranum hvað hún var dugleg að lesa yfir helgina. Hún hlakkar líka til að leika við nýju vini sína úti í snjónum. Mest hlakkar hún samt til að láta mömmu draga sig á snjóþotunni í skólann. En núna er komin háttatími og pabbi ætlar að lesa bók með Lili. Pabbi þarf líka að æfa sig að lesa íslensku. Þau lesa bókina um Helga sem skoðar heiminn.

Háttatími: Tíminn þegar kvöld er komið og mátulegt er að fara að sofa. Á háttatíma fer maður til dæmis í náttföt, burstar tennur og fer á klósettið. Síðan fer maður upp í rúm að sofa.

Þegar Lili kemur upp úr sundlauginni líður henni vel. Hún er mjög hrein og henni er hlýtt í öllum líkamanum. Það er frábært í sundi og Lili langar að fara á hverjum degi. Nú förum við í heimsókn til ömmu og afa, segir mamma. Hvað verður í matinn? spyr Lili. Vonandi er íslensk kjötsúpa í matinn. Hún elskar kjötsúpuna hennar ömmu.

Amma og afi: Foreldrar foreldra þinna. Hvað átt þú margar ömmur? En afa?

Þegar heim er komið fer Lili inn í herbergi að teikna. Hún teiknar og litar mynd af ömmu, afa og Doppu. Lili, komdu og sjáðu! kallar mamma allt í einu. Lili fer til mömmu. Hún stendur við gluggann í stofunni og bendir út. Sjáðu, það snjóar, segir hún. Lili hefur aldrei áður séð snjó. Það snjóar mjög mikið. Núna get ég loksins prófað snjóþotuna sem þú gafst mér mamma, segir Lili. Þegar allt er á kafi í snjó klæðir fjölskyldan sig í útiföt og hleypur út í garð.

Snjór: Frosið vatn sem fellur úr skýjunum og niður á jörðina. Snjór er hvítur og kaldur.

Lili, pabbi og mamma eru lengi í sundi. Lili buslar, skvettir, kafar og syndir. Hún prófar heita pottinn, gufubaðið, sundlaugina og barnalaugina. Í barnalauginni rennir hún sér í rennibrautinni og leikur við hina krakkana. Pabbi stendur við bakkann. Hi dad! kallar Lili. Pabbi brosir og hoppar út í barnalaugina. Hann lyftir Lili og hendir henni hátt upp í loftið. Þá fær hún fiðring í magann og hlær. Síðan dettur hún í laugina og fer á bólakaf. Lili finnst langskemmtilegast í barnalauginni.

Heitur pottur: Pottur með heitu vatni. Í sundlaugum á Íslandi eru oft margir heitir pottar. Það er ótrúlega gott að liggja í heitum potti og slaka á.

Mamma kemur inn í herbergi til að kyssa Lili góða nótt. Góða nótt elsku Lili, segja mamma og pabbi. Góða nótt, segir Lili. Hún kyssir bumbuna á mömmu líka góða nótt. Lili finnst gott að búa á Íslandi. Hún er mjög glöð þegar hún lokar augunum og sofnar.

Góða nótt: Þegar þú ferð að sofa segir þú "góða nótt" við fjölskylduna þína. Getur þú sagt "góða nótt" á öðru tungumáli en íslensku?

Bókina tileinka ég Evan, fyrrverandi nágranna mínum og vini

Súpan er svo góð á bragðið. Nammi namm, segir Lili. Í gamla daga, þegar ekki var byrjað að flytja inn mikið af matvörum, einkenndist íslensk matargerð af fábreyttum hráefnum. Mikið var borðað af lambakjöti, fisk og mjólkurafurðum. Lambakjöt er vinsæll matur enn í dag og margir alast upp við að borða það reglulega. Ein leið við að matreiða lambakjöt er að setja það í súpu ásamt grænmeti. Súpan kallast íslensk kjötsúpa og er gott dæmi um hefðbundna íslenska matargerð. Á næstu blaðsíðu er einföld uppskrift að íslenskri kjötsúpu. Hún kemur frá móður minni og kallast því kjötsúpan hennar mömmu.

Bókin var lokaverkefni til B.Ed. prófs frá Háskóla Íslands árið 2020. Leiðbeinandi var Kristín Jónsdóttir, dósent á Menntavísindasviði HÍ. Greinargerð um lokaverkefnið er aðgengileg á skemman.is Bók þessa má eigi afrita með neinum hætti, svo sem ljósmyndun, prentun, hljóðritun eða á annan sambærilegan hátt, að hluta eða í heild, án skriflegs leyfis höfundar. ISBN 978-9935-25-293-7

Það er dimmt og kalt úti en Lili er ekkert kalt. Þessi setning bendir á mikilvægi þess að klæða sig eftir veðri á Íslandi. Veðrið á Íslandi er mjög fjölbreytt og getur breyst hratt. Stundum breytist það frá degi til dags en það getur líka breyst frá einni mínútu til annarrar. Eina mínútu er glampandi sól og þá næstu snjóar. Þetta getur gerst oft á einum degi. Þess vegna þurfa börn að hafa aukaföt með sér í töskunni þó veðrið sé gott þegar farið er í skólann. Börn á Íslandi eru úti í frímínútum allan ársins hring og mörg þeirra ganga bæði í skólann og heim hvernig sem viðrar. Það er því er nauðsynlegt að þau eigi góða úlpu, vettlinga, húfu, kuldaskó og hlífðarbuxur. Yngstu börnin eru oft í kuldagalla og með lambhúshettu. Ullarföt hafa verið notuð á Íslandi í aldanna rás og eru enn mikið notuð, enda halda þau góðum hita. Á Íslandi er alltaf bjart á sumrin og mikið myrkur á veturna. Varðandi myrkrið þá vil ég nefna tvennt. Annars vegar notkun endurskinsmerkja og hins vegar útivistareglur fyrir börn. Ef smellt er á eftirfarandi hlekki má finna upplýsingar um bæði atriðin.

<a href="https://www.samgongustofa.is/umferd/fraedsla-og-oryggi/oryggi/endurskin/">Endurskin</a>

<a href="https://samanhopurinn.is/panta/">Útivistareglur</a>

Þau ganga hærra og hærra og eru komin hátt upp í fjallshlíðina. Þar setjast þau niður og borða góða nestið sem mamma gerði. Ísland er þekkt fyrir sína fallegu og fjölbreyttu náttúru. Það eru óteljandi gönguleiðir út um allt land. Þeir sem búa í Reykjavík þurfa ekki að fara langt til þess að komast í góða göngutúra eða fjallgöngur. Það eru mörg fjöll í kringum höfuðborgarsvæðið og fjöldinn allur af gönguleiðum. Ef smellt er á hlekkinn hér að neðan má auðveldlega finna skemmtilega göngu til þess að skella sér í einhverja helgina.

<a href="https://gonguleidir.is/">Gönguleiðir</a>

Á næstu blaðsíðu deili ég með ykkur uppskrift að kleinunum sem mamma Lili bakaði eftir í sögunni. Uppskriftin kemur þó upprunalega frá ömmu minni og ég kalla þær ömmukleinur.

Lili steinsofnar en mamma heldur áfram að syngja. Í sögunni fer mamma með Lili upp í rúm og syngur fyrir hana vögguvísu. Vögguvísan heitir Sofðu unga ástin mín og er eftir Jóhann Sigurjónsson (1880-1919). Vísan er ein af mínum uppáhalds og var oft sungin fyrir mig þegar ég var barn. Ég er mjög söngelsk og finnst tónlist skemmtileg leið til að læra nýtt tungumál. Hér eru tvær útgáfur af Sofðu unga ástin mín sem mér finnst vera mjög fallegar.

<a href="https://www.youtube.com/watch?v=TSKNIGwp7Jk">Sofðu unga ástin mín - Sissel Kyrkjebø</a>

<a href="https://www.youtube.com/watch?v=QN_nU3j5_KM">Sofðu unga ástin mín - Damien Rice</a>

Ef þið viljið uppgötva og syngja fleiri íslensk lög saman, smellið þá hér.

<a href="https://www.snerpa.is/allt_hitt/textasafn/">Söngtextar</a>

Ef þið viljið lesa fleiri texta, svo sem sögur og ævintýri, smellið þá hér.

<a href="https://www.snerpa.is/net/index.html">Fleiri textar</a>

Þegar Lili kemur upp úr sundlauginni líður henni vel. Hún er mjög hrein og henni er hlýtt í öllum líkamanum. Sundlaugarnar á Íslandi eru gríðarlega einkennandi fyrir landið og samfélagið. Að fara í sund er gott fyrir heilsuna, bæði líkamlega og andlega. Fólk fer í sund til þess að synda, slaka á eða hitta vini og vandamenn. Það er sama hvernig veðrið er, sundlaugarnar eru alltaf opnar og fullar af fólki. Auk sundlauganna eru óteljandi náttúrulaugar út um land allt. Það er virkilega hressandi að fara í gönguferð og enda á að baða sig í heitri náttúrulaug undir berum himni. Smellið á eftirfarandi hlekk til að sjá yfirlit yfir sundlaugar og náttúrulaugar landsins.

<a href="https://sundlaugar.is/">Sundlaugar og náttúrulaugar á Íslandi</a>

Ef ykkur langar að vita meira um íslenska sundmenningu mæli ég með bókinni Tales From A Hot Pot eftir Nele Schacht. Hún skrifar um sögu íslenskar sundmenningar á mjög skemmtilegan hátt og í bókinni koma fram áhugaverðar staðreyndir. Myndskreytingarnar eru stórkostlegar og gefa sterka mynd af raunveruleikanum.

Ég ætla að vera mjög dugleg að lesa svo ég verði betri í íslensku, segir Lili. Þessi setning undirstrikar mikilvægi heimalesturs. Það er mikilvægt að lesa heima á hverjum degi eins og kennarinn segir. Þetta er sérstaklega nauðsynlegt fyrir fjöltyngd börn og að þau lesi á þeim tungumálum sem þau tala. Lestur er undirstaða alls náms og styður við málþroska barna. Eftir að barnið ykkar les er gott að ræða saman um lesturinn. Þannig getur kviknað áhugi hjá barninu á því sem lesið er. Samræðurnar geta einnig bætt orðaforða barnanna og jafnvel fullorðinna líka. Þess vegna er lestur barnabóka góð leið fyrir börn og fullorðna til að æfa tungumál.

1 kg hveiti 7 tsk lyftiduft 1 1/2 tsk hjartasalt 250 gr sykur 100 gr smjörlíki 6-7 dl súrmjólk 2 tsk kardimommudropar 2 egg Hnoða deigið í stuttan tíma og breiða þykkt út. Skera kleinur úr deiginu með kleinujárni með því að snúa upp á deigið. Uppskriftin gerir um það bil 100 kleinur.

Steikja kleinurnar í potti upp úr feiti og leggja á disk eða bakka. Gott að hafa pappír undir til þess að draga í sig feiti. Kleinurnar eru sérstaklega ljúffengar volgar og með kaldri mjólk eða kaffi. Hér eru hlekkir inn á tvö myndbönd. Eitt sem sýnir hvernig snúið er upp á deigið til að búa til kleinur og annað sem sýnir hvernig kleinur eru steiktar.

<a href="https://www.youtube.com/watch?v=erxUhXKQjKA&amp;t=9s">Steikja</a>

En núna er komin háttatími og pabbi ætlar að lesa bók með Lili. Pabbi þarf líka að æfa sig að lesa íslensku. Þau lesa bókina um Helga sem skoðar heiminn. Lestri barna þarf að sinna vel með fjölbreyttu lestrarefni sem hæfir þroska og áhugamálum þeirra. Lestrarþjálfun þarf að fara fram bæði í skólanum og á heimilinu. Þess vegna er mikilvægt að hafa gott úrval af barnabókum heima fyrir og veita börnum sem flest tækifæri til að lesa, hlusta á og ræða bækurnar. Það er til mikill fjöldi skemmtilegra íslenskra barnabóka og hér deili ég fáeinum þeirra með ykkur. Þessar bækur eru í mínu uppáhaldi og gefa margar góða mynd af íslenskri menningu, hefðum og fjölskyldumynstri.

Stafakarlarnir - Bergljót Arnaldsdóttir Bækurnar um Kugg - Sigrún Eldjárn Jón Oddur og Jón Bjarni - Guðrún Helgadóttir Sagan hans Hjalta litla - Stefán Jónsson Fýlupokarnir - Valdís Óskarsdóttir Bækurnar um Öddu - Jenna og Hreiðar

Sitji guðs englar - Guðrún Helgadóttir Bækurnar um Elías - Auður Haraldsdóttir Kári litli og Lappi - Stefán Júlíusson Blái hnötturinn - Andri Snær Magnússon Benjamín dúfa - Friðrik Erlingsson Emil og Skundi - Guðmundur Ólafsson

Lili flutti til Íslands fyrir einni viku. Hún hefur aldrei áður búið á Íslandi. Áður bjó hún í Suður-Afríku þar sem hún fæddist. Lili á mömmu sem er íslensk og pabba sem er suðurafrískur. Núna er Lili sex ára og er búin að vera í skóla á Íslandi í fimm daga. Henni finnst gaman í skólanum. Hún er búin að eignast nýja vini og henni þykir vænt um kennarann sinn. Í dag fékk Lili bók frá kennaranum sem hún á að sýna foreldrum sínum. Hún hlakkar til að koma heim og valhoppar brosandi alla leiðina.

Foreldrar: Í þessari bók eru foreldrar Lili pabbi og mamma. Foreldrar geta líka verið tvær mömmur, tveir pabbar, ein mamma eða einn pabbi. Hvernig foreldra átt þú?

Í dag er föstudagur og Lili er á leiðinni heim úr skólanum. Það er dimmt og kalt úti en Lili er ekkert kalt. Hún er nefnilega svo vel klædd. Hún er í hlýjum kuldagalla, með lambhúshettu og vettlinga. Hún er líka í mjúkum ullarsokkum sem pabbi keypti handa henni í gær. Pabbi vildi alls ekki að Lili yrði kalt í skólanum. Manni líður ekki vel þegar manni er kalt, hafði pabbi sagt við Lili.

Lambhúshetta: Húfa sem hylur bæði höfuð og háls. Hún var notuð þegar bændur í gamla daga fóru í lambhús til að sinna lömbunum. Lambhúshetta er hlý og sérstaklega þægileg fyrir börn.

Við erum komin heim! hrópar Lili og hleypur inn til mömmu sinnar. Hún situr í sófanum og prjónar peysu. Lili knúsar mömmu og nær í lestrarbókina sína. Hún ætlar að lesa fyrir mömmu á meðan pabbi eldar kvöldmatinn. Eftir kvöldmat er komið myrkur en Lili langar ekki að fara að sofa strax. Mamma fer með henni upp í rúm og syngur fyrir hana vögguvísu.

Vögguvísa: Lag sem er sungið til þess að svæfa börn.

Lili horfir upp í himininn og fær snjókorn á nefið. Snjórinn er kaldur og blautur. Lili býr til snjóbolta og kastar í mömmu. Hún skellihlær. Pabbi kastar líka snjóbolta í mömmu og þau hlæja öll. Má ég leika mér með snjóþotuna núna mamma? spyr Lili. Já í smástund, segir mamma og nær í hana. Á morgun get ég líka dregið þig á þotunni alla leið í skólann, segir hún svo. Fjölskyldan gerir snjóengla og leikur sér saman lengi. Lili finnst snjórinn dásamlegur. Hann gerir allt fallegt og ævintýralegt. Loks er kominn tími til að fara inn. Mamma gefur Lili niðurskorinn banana og síðan verður hún að fara að sofa.

Snjóþota: Snjóþota er notuð til þess að renna sér hratt niður brekku. Snjóþotur geta verið af allskonar stærðum og gerðum. Hefur þú prófað að renna þér á snjóþotu?

Pabbi og mamma eru fljót að opna dyrnar fyrir Lili. Þau eru spennt að vita hvernig var í skólanum í dag. Lili segir þeim frá deginum. Krakkarnir í bekknum vildu fá að vita allt um Suður-Afríku, segir Lili. Þeim finnst líka gaman að ég tali íslensku og ensku, segir hún og brosir. Pabbi og mamma brosa líka.

Lili tekur bókina sem hún fékk upp úr skólatöskunni. Þetta er lestrarbók sem hún á að lesa í fyrir pabba eða mömmu á hverjum degi. Ef hún er dugleg getur hún lesið fleiri bækur. Ég ætla að vera mjög dugleg að lesa svo ég verði betri í íslensku, segir Lili. Það lýst okkur vel á, segja pabbi og mamma.

Lestrarbók: Bók sem er notuð til að æfa lestur.

Amma og afi standa í dyragættinni og veifa. Þau knúsa Lili vel og lengi. Það er notalegt heima hjá ömmu og afa á Íslandi. Lili er orðin svöng en þá kemur amma einmitt inn með matinn. Hún ber fram íslenska kjötsúpu. Gjörið þið svo vel, segir amma. Súpan er svo góð á bragðið. Nammi namm, segir Lili. Nammi namm, segja amma og afi.

Íslensk kjötsúpa: Soð með grænmeti og íslensku lambakjöti.

4 l vatn 2 kg íslenskt súpukjöt 1 poki (120 gr) súpujurtir 4 teningar af grænmetiskrafti 1 laukur 700 gr gulrætur 2 rófur 1 kg kartöflur Grænkál Salt og pipar Hálf tsk chili 1 hnefi hafragrjón Setja vatn í stóran pott og láta súpukjötið ofan í. Setja súpujurtir, salt og grænmetiskraft saman við. Saxa laukinn smátt og setja einnig í pottinn. Láta sjóða í rúman hálftíma og skera grænmetið á meðan.

Bæta restinni af grænmetinu við í pottinn. Krydda með salti og pipar. Setja chili ef maður vill hafa hana bragðsterka. Láta sjóða í annan hálftíma. Smakka til og bæta við fleiri kryddtegundum ef vilji er fyrir hendi. Síðan er hafragrjónum bætt við. Þessi uppskrift er fyrir stóra fjölskyldu eða um sex manns. Uppskriftin er aðeins grunnur sem hver og einn má leika með. Hver fjölskylda finnur sína leið og magnið þarf ekki að vera nákvæmlega eins og hér segir. Flestum íslendingum finnst súpan betri upphituð daginn eftir. Gjörið svo vel.

Nú er komið að öðrum hluta bókarinnar. Hér á eftir er ýmis fróðleikur og ábendingar sem þið getið lesið ykkur til gagns og gamans. Ég hvet ykkur til þess að nýta upplýsingarnar og gera skemmtilega hluti með börnunum ykkar. Þið getið til dæmis fundið nýjar gönguleiðir og farið í göngutúra, sungið saman íslensk lög, bakað og eldað!

Lili hlakkar til að mæta aftur í skólann í næstu viku. En nú er komin helgi og þá er frí í skólanum í tvo heila daga. Það verður gaman um helgina því Lili ætlar að gera margt skemmtilegt. En nú er klukkan átta og þá er kominn tími til að hátta. Lili fer í náttföt og burstar tennurnar. Svo skríður hún upp í rúm með lestrarbókina sína. Hún ætlar að æfa sig pínulítið meira að lesa. Mamma hlustar á og kvittar í lestrarheftið. Síðan breiðir mamma hlýju dúnsængina yfir Lili og kyssir hana góða nótt.

Dúnsæng: Sæng sem er fyllt með dúni. Dúnn eru margar fisléttar fjaðrir af fuglum. Dúnsæng heldur góðum hita og er mjög létt.

Eftir matinn langar Lili að leika við Doppu. Afi segir að Doppu finnist gaman að elta bandhnykil. Hann lætur Lili fá einn og Lili kastar honum langt. Doppa hleypur af stað til að ná í hnykilinn. Það er gaman að leika við Doppu. Nú er kominn tími til heimferðar, segja pabbi og mamma. Þau kveðja og Doppa fylgir þeim alla leið í strætóskýlið. Lili fer aftur í heimsókn til ömmu og afa í næstu viku. Hún getur ekki beðið eftir að leika við Doppu aftur.

Heimferð: Þegar þú ert á leiðinni heim.

Í dag fer Lili í sund með pabba og mömmu. Henni finnst það ótrúlega spennandi því sundlaugarnar á Íslandi eru svo skemmtilegar. Eftir sundferðina ætla þau í heimsókn til ömmu og afa. Þar ætla þau að borða kvöldmat. Lili elskar ömmu og afa á Íslandi. Þau eiga kisu sem heitir Doppa og Lili hlakkar til að hitta hana.

Amma og afi eiga heima í Vesturbænum. Þess vegna ákveða pabbi og mamma að fara í Vesturbæjarlaugina. Þau fara alla leiðina með strætó. Á leiðinni sér Lili mörg hús, sjóinn og Esjuna. Þarna vorum við í gær, segir pabbi. Hæ Esja, segir Lili og vinkar hlæjandi til fjallsins.

Heimsókn: Þegar þú ferð heim til einhvers sem þú þekkir.

Nú býr Lili á Íslandi er fyrir öll íslensk börn en er sérstaklega tileinkuð fjöltyngdum börnum. Bókin er tilvalin fyrir alla fjölskylduna en hún gefur börnum og fullorðnum tækifæri til að kynnast íslenskri menningu og æfa íslenskt tungumál. Vertu með og lærðu um Ísland með Lili!