A new book

Skapandi hannyrðir

Craft paper border

Bright ideas border

Ég vildi halda áfram að nýta mér rammana sem pabbi hafði smíðað handa mér og er nú búin að nýta restina af ónýta lakinu sem ég nýtti í "Súr" verkefnið og strekkja það yfir rammann. Hugmyndin er svo að sauma útlínur andlist David Attenborough í öðru horni verksins og útlínur andlits á barni í hinu. Við hliðina á Attenborough kemur svo fyrri partur "ljóðsins" og seinni parturinn svo við hliðina á barninu. Fyrir miðju verksins reikna ég með að sauma blátt efni sem verður í hlutverki jarðarinnar. Mig langar svo rosa mikið að hafa jörðina fyllta af miðum sem fólk getur dregið, sem á eru skrifaðar hugmyndir af því hvernig við getum gert okkar besta í að koma í veg fyrir frekari loftlagsbreytingar. Eins og að taka strætó eða labba í skóla og vinnu í staðinn fyrir að taka einkabílinn.

Mér datt í hug að gera súrt elgos eða súra kviku. Hugmyndin er þá þannig að sauma eldfjall eða útlínur eldfjalls sem er að gjósa og kvikan er í formi allskyns súrra hluta eins og sítrónur, appelsínur, súrt nammi, súrmatur og sýra eins og HCl og þeirra efna sem eru í súrri kviku. Ég plana að sauma verkefnið í efnisbút sem verður svo vonandi strekktur í ramma.

Þá er komið að lokaskilum á lokaverkefninu. Ég kláraði verkefnið þannig að ég bætti við grænum ramma utan um myndina sem var málaður með akrýl og setti svo um 20 miða með ýmsum leiðum á því hvernig við getum spornað gegn loftlagsbreytingum. Nú er ég að leita mér að íbúð og hafði ég hugsað að það yrði skemmtilegt að hengja myndina upp í forstofunni svo fólk geti þá (ef það vill) dregið miða úr myndinni. Hugmyndin um að setja myndina á taupoka kom því miður eftir að ég var komin með rammann og búin að ákveða stærðina (50x50). En ég hugsaði að það yrði alls ekki svo slæm hugmynd og stefni ég á að dunda mér við að sauma "slagorðin" á poka núna í sumar.

Brainstorm í kringum orðið "Hreyfing"

Ég nýtti þessa viku í að brainstorma pínu í kringum orðið "Hreyfing". Allskonar hreyfing kom upp í kollinn á mér, svo sem fótbolti, handbolti og allar þær íþróttir. Ég fór svo út í aðeins óvenjulegri íþróttir eins og frisbígolf og hugsaði að prjóna utan um frisbídisk gæti orðið skemmtilegt. Að lokum fór ég að hugsa aðeins út fyrir rammann og reyndi aftur að tengja þetta við háskólamenntunina mína, en fann voða lítið sem mér leyst almennilega á. Þar til ég fór að hugsa: Hvað er hreyfing? Hreyfing er verkun einhverra krafta og er skilgreind með eðlisfræði jöfnunni F=ma þar sem F er kraftur sem verkar á ákveðinni hlut, og er jafn m= massa hlutar sinnum a= hröðun hlutarins. Mér datt þá í hug að taka hvítann ramma sem pabbi reddaði mér fyrir síðasta verkefni og hekla eða prjóna stafina í jöfnunni og hengja þá í rammann og láta þá dingla niður úr rammanum. Þá er ég komin með hreyfijöfnu sem verður á hreyfingu.

Verkefni 1- fyrsta vika

Ég kláraði að sauma innri pokann í töskuna en saumavélin var ekki alveg að vinna með mér (og þeir sem hefðu getað hjálpað mér veðurteptir allstaðar á landinu), svo ég endaði á því að sauma 90% pokans í höndunum. Sem gekk ágætlega og er svo farin að mæla pokann við peysuna og reikna með að vera byrjuð og komin langt með töskuna sjálfa í næstu viku.

Í þessu verkefni horfði ég á orðið "Hreyfing" á eðlisfræðilegann hátt og heklaði jöfnuna F=ma og lét hana hanga neðan úr ramma, sem þar af leiðandi setti hreyfi-jöfnuna á hreyfingu. Mögulega gætum við líka sagt að það væri ákveðin hreyfing í litunum, það er að hafa gulur, rauður, grænn og blár, þó í öfugri röð.

Skapandi Hannyrðir Vor 2022

Skapandi hannyrðir Vor 2022

Verkefni 1-vika 3

Í þessari viku kláraði ég að sníða og sauma saman hliðarnar á töskunni. Seinni hliðin var ansi mikill bútasaumur, þar sem ég notaði mynstrið af peysunni og ermarnar í þann hluta. Einnig er ég byrjuð að sauma ramma utan um krossasaumsmyndina sem verður framan á töskunni. Vegna covid-smits, og þar af leiðandi einangrunar þá hef ég ekki getað gert mikið meira, en reikna með að halda áfram um leið og heilsan leyfir.

Í þessari viku settist ég niður og lærði að hekla upp á nýtt. Ég fiktaði mig áfram og prufaði allskonar garn. Að lokum fann ég blátt, frekar þykkt ullargarn og byrjaði á F-inu. Ég á eftir að sauma það saman og þræða vír í það og mun líklega dunda mér við það í kvöld. Ég fann mér svo fremur þunnt, rautt bómullargarn og byrjaði á m-inu. Það gengur ágætlega en ég mun þurfa að fara nokkrar umferðir til að ná réttri þykkt. 

Hugmynd af verkefni

Fyrir mitt fyrsta verkefni langar mig að gera tösku úr gamalli lopapeysu, gömlum bol og útsaumsmynd sem vantar tilgang. Hugmyndina fékk ég upphaflega út frá listformi sem kallast úrgangslist, þar sem rusl eða annað er endurnýtt og notað í allskyns listaverk svo sem málverk og skúlptúra. 

Ég misskildi aðeins þetta súra verkefni og hélt við hefðum bara viku til að klára það, svo ég lagði allt í það og kláraði verkefnið í dag. Sá síðan að við höfum eina viku í viðbót. Ég mun því finna mér eitthvað lítið og skemmtilegt verkefni tengt orðinu "súr" og skila þá bara tveimur verkefnum. Myndin sýnir súrt gos eða súra-kviku sem kemur uppúr eldgosi. Ég ákvað því að láta sítrónum, appelsínum, lime og súru slátri rigna úr eldfjallinu, ásamt þremur frumefnum sem finna má í súrri kviku. Ég notaði allskyns efni í verkið, svo sem ullargarn og silkigarn, viður í rammann, gamalt lak sem "striga", ullarkembu í gróðurinn og svo málingu í innri ramma verksins. En hér á næstu síðu er mynd af fyrra "súr" verkefninu mínu.

Ég náði markmiðinu mínu, að klára heila tösku á 4 vikum. Í þessari viku kláraði ég að sauma tölur í aðra hliðina og saumaði ramma utan um mynstrið á hinni hliðinni. Svo fór ég að sníða botn og þá var nú lítið eftir. Að lokum eyddi ég síðustu dögum í að prjóna höld úr kambgarni í svipuðum lit og var í það í það miklu stressi að hver pása í vinnunni var nýtt í prjónaskap. Þetta hófst þó allt á endanum og ég er mjög stolt af útkomunni. Ég fór í þetta verkefni með mjög litla reynslu á notkun saumavéla og hvað þá reynslu í að búa til tösku úr gamalli lopapeysu. Þetta var samt mjög skemmtilegt og krefjandi verkefni.

Lokaverkefnið hefur gengið vonum framar og stefni ég á að klára það í kvöld (sunnudag) eða á morgun (mánudag). Það er í raun allt komið, nema ég þarf að gera smá lagfæringu á efninu í öðru horninu og skrifa á miða til að setja inn í "jörðina". Allur saumaskapur í raun kominn :)

Verkefni 1- vika 2

Ég hefði viljað gera meira í þessari viku en vegna covid þá var ég kölluð út í vinnu og hafði því mjög takmarkaðann tíma til að halda áfram. Mér tókst þó að sníða aðra hliðina á töskunni og sauma (tilla) myndinni á þá hlið. Ég er svo byrjuð að sníða hina hliðina og mun ég nota mynstrið og ermarnar af peysunni í hana.

Í þessari viku byrjaði ég á að hekla m-ið upp á nýtt þar sem heklugarnið sem ég notaði var of þunnt til að þræða vír með því. Ég notaði því afganginn af garninu sem ég notaði í handföngin á töskunni, sem ég setti saman í byrjun áfangans. Þaðan fór ég í að hekla samasem merkið og notaði ég grænt heklugarn sem skiptir um litatón. Þegar ég var komin með bláann í F-ið, grænann í samasem-merkið og rauðann í m-ið, áttaði ég mig á því að næsti litur yrði að vera gulur (blár, grænn, rauður og gulur eða gulur, rauður, grænn og blár).

Að lokum þræddi ég vír í gegnum F-ið, m-ið og efri part a-sins til að halda stöfunum réttum. Síðan kom að því að hengja stafina upp en upphaflega ætlaði ég að þræða stafina með girni, en það gekk því miður ekki upp, svo ég endaði á nota tvinna í staðinn. Ég kláraði svo verkið með því að mála formúluna (F=ma) utan á rammann til ýkja verkið enn frekar og gefa því enn meiri lit.

Áætlun um lokaverkefni

Ég ákvað að velja mér eitt heitasta málefni líðandi stundar, eða loftlagsbreytingar. Sir David Attenborough, var kveikjan að lokaverkefninu mínu, en Attenborough er líklega mín stærsta fyrirmynd í lífinu. Áhugi hans og áhyggjur af loftlagsmálum hafa haft áhrif á ansi marga og fékk ég því hugmyndina af þessum tveimur setningum: "Sir David Attenborough á ekki að þurfa eiga við loftlagskvíða. Því hvort sem þú ert 5 eða 95, þá ætti enginn að þurfa við það að stríða.&nbsp;"

Brainstorm í kringum orðið "súr"

Það fyrsta sem mér datt í hug varðandi orðið súr var eitthvað súrrealískt. Síðan komu einfaldar hugmyndir eins og sítróna, súrmatur og súrt nammi. Ég spurði fólkið í kringum mig spurningarinnar" Hvað er það fyrsta sem þér dettur í hug þegar þú heyrir orðið súr?" og fékk hreint frábærar hugmyndir eins og "svipurinn sem þú gerir þegar þú borðar sítrónu", "karakter úr teiknimyndinni Wreck it Ralph" og svo kom upp orðið súrnun sjávar. Það var þá sem hausinn á mér fór á flug og fylltist af allskyns mis-klikkuðum hugmyndum. Upphaflega vildi ég búa til súranhval með því að sauma útlínur af hval á striga og sauma svo hringrás eða útskýringu á súrnun sjávar inn í líkama hvalsins. Sú hugmynd fannst mér aðeins of augljós eða flókin. Þá áttaði ég mig á því að ég er búin að eyða 3 árum af lífi mínu í að læra um eldgos og eldvirkni og þar af leiðandi kom hugmyndin af verkefninu sem ég valdi mér. 

Name

Safari may block some audio or video from playing automatically and ‘read to me’ will skip these. You can configure this in Safari’s preferences.